სესიაშვილი: ტექნიკურად მიზანშეწონილი არ არის, ვერტმფრენის გამოყენება, რომელიც 2 წელი გამოუყენებელია

2015-06-23 14:48:18, 450 ნახვა

პოლიტიკა

„ტექნიკურად მიზანშეწონილი არ არის, როდესაც ორი წელი დგას ვერტმფრენი მისი დაქოქვა და გამოყენება იმ დროს, როდესაც ძალიან მაღალია რისკი“,-ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა ჟურნალისტის კითხვის საპასუხოდ განაცხადა, თუ რატომ არ გამოიყენეს სტიქიის დროს „PUMA“ ვერტმფრენები.
მისი თქმით, მსგავის ტიპის ვერტმფრენების შენახვა ძალიან ძვირი ჯდება.
„რაც შეეხება თუ რატომ არ მოხდა სტიქიის დროს მისი გამოყენება, მაშინ როდესაც გადაწყვეტილება იყო მიღებული, რომ ეს ვერტმფრენები გაყიდულიყო. ვინაიდან, საკმაოდ დიდი სიამოვნებაა ასეთი ე.წ. წარმომადგენლობითი ვერტმფრენის შენახვა. მათი ექსპლუატაცია არ ხდებოდა გარკვეული პერიოდის განმავლობაში და მიზანშეწონილი არ არის ტექნიკურად, როდესაც ორი წელი დგას ვერტმფრენი მისი დაქოქვა და გამოყენება როდესაც ძალიან მაღალია რისკია. მითუმეტეს ძალიან მძიმე მეტეოროლოგიურ პირობებში“,-განაცხადა სესიაშვილმა.
ამასთან, სესიაშვილის განცახდებით, ვერტმფრენების გაყიდვის შემთხვევაში შესაბამისი თანხის ამიღება ვერ მოხდებოდა რადგან ის კრედიტით იყო შეძენილი.
„თქვენ იცით, რომ ეს ვერტმფრენები წინა ხელისუფლების დროს შეიძინეს. საკმაოდ ძვირი თანხა იქნა გადახდილი მათ შორის ერთ-ერთი არის VIP ვერტმფრენი. ამიტომ თავის დროზე გადაწყვეტილება იქნა მიღებული, რომ ეს ვერტმფრენები გაყიდულიყო. რამდენადაც ქვეყანას არა აქვს იმის ფუფუნება, რომ ძალიან ძვირადღირებული ვერტმფრენები მოიხმაროს. მითუმეტეს როდესაც ერთ-ერთი მათგანი არის წარმომადგენლობითი. თუმცა გაყიდვის შემთხვევაში თანხას ვერ ამოვიღებდით, რადგან მათ შეძენასთან დაკავშირებით კრედიტი იყო აღებული. ამიტომ მისი გაყიდვის გადაწყვეტილება მიღებული იყო და მისი რეალიზაცია ვერ მოხდა. შესაბამისად დღეს ჩვენ მივიღეთ გადაწყვეტილება, რომ ეს ვერტმფრენები გადავცეთ შინაგან საქმეთა სამინისტროს, რომელი მას აქტიურად მოიხმარს“,-აღნიშნა ირაკლია სესიაშვილმა.