პენტაგონმა 1 მილიარდი დოლარი გამოყო მექსიკასთან საზღვარზე 91 კილომეტრის სიგრძის კედლის მშენებლობისთვის, - შესაბამისი ინფორმაცია უწყების ოფიციალურ ვებგვერდზე გამოქვეყნდა. 

"კედლის მშენებლობისთვის თანხის გამოყოფის შესახებ განკარგულება თავდაცვის მდივნის მოვალეობის შემსრულებელმა პატრიკ შანაჰანმა გასცა. თანხა გამოყენებული იქნება იუმასა [არიზონას შტატი] და ელ-პასოში [ტეხასი] საზღვარზე 91 კილომეტრის სიგრძის ბარიერის ასაშენებლად. ასევე თანხა დაიხარჯება გზების რეაბილიტაციასა და განათებების დამონტაჟებაზე“, - ნათქვამია განცხადებაში.

შეგახსენებთ, აშშ-მექსიკის საზღვარზე კედლის მშენებლობის საკითხი დონალდ ტრამპის წინასაარჩევნო კამპანიის ერთ-ერთი დაპირება იყო. თებერვლის შუა რიცხვებში თეთრი სახლის პრეზიდენტმა საზღვარზე საგანგებო მდგომარეობა გამოაცხადა. 

ცნობისთვის, კედლის მშენებლობის დაფინანსებასთან დაკავშირებულმა უთანხმოებამ 35-დღიანი, ამერიკსი ისტორიაში ყველაზე ხანგრძლივი ე.წ. შათდაუნი გამოიწვია, როდესაც პრეზიდენტმა ბიუჯეტზე ხელის მოწერაზე უარი თქვა და უწყებები დაფინანსების გარეშე დატოვა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა