ბათუმში მიუსაფარი ცხოველების ვაქცინაციასა და სტერილიზაციას კომპანია "სევერი" კურირებს.

მას შემდეგ რაც "ექსპრესნიუსის" კორესპონდენტმა ნაგავსაყრელზე ათობით მოკლული ძაღლი აღმოაჩინა, ის კომპანიის ხელმძღვანელს ჯემალ გოგიტიძეს შეხვდა. როგორც გოგიტიძე ჩვენთან საუბარში აცხადებს, ცხოველებს ევთანაზიას მხოლოდ იმ შემთხვევაში უკეთდება, თუ ისინი ავად არიან. მანვე გავრცელებულ ინფორმაციას, თითქოს კომპანია ძაღლებს კლავს სიცრუე და პროვოკაცია უწოდა. 

"მოკლული არ არიან ეს ძაღლები. ევთანაზია კეთდება. ევთანაზიას ვუკეთებთ, იმ შემთხვევაში თუ ძაღლი ავად არის და მისი გადარჩენა ვერ ხერხდება. ექიმი გვყავს და ის აკეთებს დასკვნას ევთანაზიის გაკეთებასთან დაკავშირებით. მე კი არ ვწერ ამ დასკვნებს. დღეს ქალბატონი იყო მისული იმ ნაგავსაყრელზე და მოხსნა ბოქლომები იმ ბუნკერებზე, სადაც ეს ძაღლები არიან. სხვა დროს ბუნკერები დალუქულია.  ქალაქიდან მოდის ძაღლი, აქ მოწმდება, თუ არის ევთანაზია გასაკეთებელი იმათ უკეთდება. ჯანმრთელ ძაღლებს უკეთდება ბირკები", - განაცხადა ჯემალ გოგიტიძემ. 

"ექსპრესნიუსი" აგრეთვე ბათუმში ერთ-ერთ მოქალაქეს დაუკავშირდა, ვინც აცხადებს, რომ მას კატა მოუკლეს. ქალბატონის თქმით, ჯემალ გოგიტიძე მას პროვოკაციაში ადანაშაულებს.

"ეს არ არის პორველი შემთხვევა, უკვე მესამე კატა მომიკლეს. მთელი ეს სიტუაცია დიდი ხანია გრძელდება და მათ წინაშე უძლური ვარ. ვიპოვე ჩემი კატა ნაგავსაყრელზე. გაირკვა, რომ დღეს მე დამაბრალეს, თითქოს ბუნკერზე არსებული ბოქლომები მოვხსენი - ეს სიმართლე არაა. დადის თეთრი სამარშრუტო ტაქტი და იმას გადაჰყავს ეს ცხოველები", - განაცხადა ქალბატონმა. 

ცნობისთვის, შინაგან საქმეთა სამინისტრომ ფაქტის შესწავლა დაიწყო. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ