"დეზინფორმაციის, ცილისწამების, სიძულვილის ენის, პირადი ცხოვრების ამსახველი კადრების ნიაღვარი უნდა შევაჩეროთ", - ამის შესახებ საქარტველოს პრეზიდენტმა პარლამენტში პლენარულ სხდომაზე პირველი მოხსენების დროს, სიტყვით გამოსვლისას განაცხადა. 

პრეზიდენტმა ყურადღება გაამახვილა იმაზე, რომ ქვეყანაში ბევრი ყალბი ინფორმაცია ვრცელდება, რაც შემდგომში, ზურაბიშვილის შეფასებით, მოსახლეობის აზროვნებაზე ნეგატიურ გავლენას ახდენს. 

"ძალადობრივი გარემო თითოეული ადამიანის ცხოვრებაში აღწევს. საზოგადოება ელოდება ამ ვითარების ჩაცხრობას. მას სჭირდება დამშვიდება და შერიგება. ეს შეუძლებელი იქნება, თუკი რაიმე ფორმით ცივილურ ჩარჩოებში არ მოვაცევთ საინფორმაციო და სოციალურ ქსელებში განვითარებულ პროცესებს - დეზინფორმაციის, ცილისწამების, სიძულვილის ენის, პირადი ცხოვრების ამსახველი კადრების ნიაღვარი უნდა შევაჩეროთ. როდესაც მედია სივრცე სავსეა დამახინჯებული და ყალბი ცნობებით, ჩნდება უნდობლობა ყველანაირი ინფორმაციის მიმართ. ამის შედეგად შესაძლოა საზოგადოება ინფორმაციის მიღმა დარჩეს, რაც მას ანალიზის საშუალებას ართმევს და გზას უხსნის შეთქმულების თეორიებს და აყალიბებს ძალადობრივ გარემოს. სწორი ინფორმაციის გარეშე დემოკრატიული გარემო ვერ შენარჩუნდება. უმძიმესი ტრაგედია, რომელიც ხორავას ქუჩაზე მოხდა, მთელი ამ პერიოდის განმავლობაში ჩვენს ქვეყანაში დაგროვილი სიძულვილის და ერთმანეთის გაუტანლობის შედეგია. იმ რეალობაში როდესაც ქვეყანაში პოლიტიკური კულტურის დეფიციტია, საზოგადოება და პირველ რიგში ახალგაზრდება ჩვენგან მაგალითს ელოდებიან. საზოგადოებრივი თანხმობა არის ამ მოლოდინზე ერთადერთი პასუხი", - განაცხადა სალომე ზურაბიშვილი. 

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება