„თიბისის“ საქმეზე პასუხის გამცემი ბუნებრივია, პროკურატურა ვერ იქნება, რადგანაც თვითონაც ჩართულია ამ პროცესში და გააჩნია ნულოვანი საზოგადოებრივი ნდობა, ამიტომ ერთადერთი გზა საპარლამენტო კომისიის შექმნაა, - ამის შესახებ „ევროპული საქართველოს“ ლიდერმა, დავით ბაქრაძემ ჟურნალისტებს განუცხადა.

როგორც მან აღნიშნა, „თიბისის“ დამფუძნებლის, მამუკა ხაზარაძის დღევანდელი განცხადების შემდეგ, პირველ რიგში, აუცილებელია შს მინისტრი გიორგი გახარია პარლამენტში გამოცხადდეს.

„დღეს საჯაროდ მოვისმინეთ ინფორმაცია, რომლის მიხედვითაც იკვეთება ქვეყანაში ძალიან მაღალი თანამდებობის პირების პასუხისმგებლობა, უკანონობა და სისხლის სამართლებრივი ქმედებები. ეს ინფორმაცია, რა თქმა უნდა,  ასე ვერ დარჩება, ამიტომაც პირველი და სასწრაფო, რასაც მოითხოვს „ევროპული საქართველო“ პარლამენტში შინაგან საქმეთა მინისტრის მოსვლა და მისგან პასუხის გაცემა იმ უმძიმეს ბრალდებებზე, რაც მოვისმინეთ ბატონი გახარიას მისამართით. ასევე უნდა მოხდეს შესწავლა მთელი საქმე, მათ შორის, ეროვნული ბანკისა და მისი მოადგილის, მარეგულირებლის, ფინანსური მონიტორინგის როლზე იმ უკანონო ქმედებების ორკესტრირებულ ჯაჭვში, რომელსაც ადგილი ჰქონდა  „თიბისი ბანკისა“ და მისი დამფუძნებლების წინააღმდეგ და ამ მიზნით  „ევროპული საქართველო“ პარლამენტში აყენებს საგამოძიებო კომისიის შექმნის საკითხს, ეს არის მაღალი საზოგადოებრივი ინტერესის თემა. ეს არის თემა, რომელიც ეხება ჩვენი ქვეყნის ფინანსურ სტაბილურობასა და მისი ეკონომიკის მომავალს, ამიტომ ყველა ამ კითხვას აუცილებელია გაეცეს პასუხი, პასუხის გამცემი და მომკითხავი ბუნებრივია ვერ იქნება პროკურატურა, რადგანაც თვითონაც ჩართულია ამ პროცესში და გააჩნია ნულოვანი საზოგადოებრივი ნდობა, ამიტომ ერთადერთი გზა, თუ ხელისუფლება  არის ოდნავ მაინც მართალი ამ პროცესში და მათ სურთ ამ თემის ჩამორეცხვა, ერთადერთი გზა რჩება საპარლამენტო საგამოძიებო კომისია, ჩვენ მოვითხოვთ კომისიას, ჩვენ მოვითხოვთ პასუხებს“, - აღნიშნა დავით ბაქრაძემ. 

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება