სოციალურ ქსელში პირადი ცხოვრების ამსახველი მორიგი ვიდეო მასალა გავრცელდა.

"რუსთავი 2"-ის ინფორმაციით, ვიდეოში ბათუმის ერთ-ერთი კერძო სკოლის უფროსკლასელების პირადი ცხოვრებაა ასახული.  ამ ეტაპზე ჯერჯერობით უცნობია თუ ვინ გადააიღო და გაავრცელა ეს კადრები სოციალურ ქსელში.

სკოლაში აცხადებენ, რომ მოსწავლეები, რომლებიც ვიდეოში ფიგურირებენ მშობლების განცხადების საფუძველზე სხვა სასწავლებლებში გადაიყვანეს. 

ბათუმის რესურსცენტრის ხელმძღვანელის გოჩა დავითაძის თქმით, კადრები არასასწავლო პერიოდში, სავარაუდოდ მშენებარე კორპუსშია გადაღებულია.  

„ერთ-ერთი  კერძო სკოლის მიერ დღეს მოწოდებული იქნა ინფორმაცია, რომ სოციალურ ქსელში დახურულ ჯგუფში  გავრცელდა ვიდეო. სავარაუდოდ ეს ვიდეო ეხება ამ სკოლის  მოსწავლეებს. ამის შემდგომ სკოლამ დაიბარა მშობლები და მშობლებს მიაწოდა ინფორმაცია . ასევე სკოლამ ინფორმაცია მიაწოდა სოც. სააგენტოს და სამართალდამცავ ორგანოებს. ამ მომენტისთვის მშობლებმა დაწერეს განცხადებები და თავიანთი შვილების გადაყვანა სურთ ამ სკოლიდან. ეს ვიდეო გადაღებულია არა სასკოლო დროს, სკოლის გარეთ. სავარაუდოდ მშენებარე კორპუსში,“-განაცხადა გოჩა დავითაძემ.

როგორც "ექსპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება და საგამოძიებო მოქმედებები მიმდინარეობს.

ავტორი: ,

სოციალური ქსელები

გელენჯიკში დაღუპულთა რიცხვი ექვსამდე გაიზარდა, რომელთაგან სამი ბავშვია. დაახლოებით 40 ადამიანი დაშავდა

Deutsche Welle-ს ევროკავშირის დაფინანსებით ქართულენოვანი საინფორმაციო სამსახური გახსნა

საიამ სტრასბურგში არჩევნების საქმეზე ოცნების საპასუხო წერილობითი პოზიცია წარადგინა

WSJ: რუსეთის ხელისუფლება სექტემბრის არჩევნების შემდეგ მობილიზაციის საკითხს განიხილავს