„ირაკლი კობახიძეს კონსტიტუციის ღირებულებების დაცვა ახსოვდა მაშინ დამფრთხალი თვალებით რომ მელაპარაკებოდა დეკემბრის ბოლო კვირას „ქალბატონო ეკა დანიშნეთ რა კომიტეტის სხდომა პარასკევსო?“, - ამის შესახებ საპარლამენტო უმრავლესობის წევრმა ეკა ბესელიამ პარლამენტის პლენარულ სხდომაზე განაცხადა.

მან პარლამენტის თავმჯდომარე კიდევ ერთხელ გააკრიტიკა და აღნიშნა, რომ მოსამართლეებთან დაკავშირებულ საკითხზე კობახიძემ წინააღმდეგობის გაწევა შეძლო.

„რას კადრულობს ეხლა ირაკლი კობახიძე. კონსტიტუციის ღირებულებებზე რომ მელაპარაკებოდა აქ, კონსტიტუციის ღირებულებების დაცვა ახსოვდა მაშინ დამფრთხალი თვალებით რომ მელაპარაკებოდა დეკემბრის ბოლო კვირას, „ქალბატონო ეკა დანიშნეთ რა კომიტეტის სხდომა პარასკევს“, სად იყო მაშინ კონსტიტუციის ღირებულებების დაცვა, როდესაც პარლამენტის თავმჯდომარემ ვერ გაბედა და წინააღმდეგობა ვერ გაუწია იმ ბიჭებს.  თავი დაანებეთ მიზეზების ძებნას და ხელების გაშვერას. ამ ადამიანებთან გინდათ პარალელების გავლება? „ნაციონალურ მოძრაობას“ ვგულისხმობ, ამათ, მიუხედავად იმისა, რომ არასოდეს არ შევწყვეტ მათთან ბრძოლას, ლევან გოგიჩაიშვილი ციხეში ჩააგდეს, ჩვენი თანამებრძოლები აწამებს, ჩემი სკოლის მოსწავლე შვილი დაიჭირეს რა ბრალდებით იცით? პოლიციისთვის წინააღმდეგობის გაწევის და საზოგადოებრივი წესრიგის დარღვევის. ჩემი ძმა მძევლად ჰყავდათ ერთი წელი. ამათ არასდროს ვაპატიებ იმ ადამიანების წამებას, რასაც ჩადიოდნენ და არც მიპატიებია. სხვებისგან განსხვავებით, არ ვკურკურებ და კულისებში არ ვეთამაშები“, - განაცხადა ეკა ბესელიამ.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა