„ქურდული გარჩევაც“ თქვენ მხარეს მოიკითხეთ, სადისტობაც თქვენ მხარეს მოიკითხეთ, არაკომპეტენტურობაც და თავსგასულობაც, - ასე მიმართა საპარლამენტო უმრავლესობის წევრმა გია ვოლსკიმ ფრაქცია „ნაციონალური მოძრაობის“ თავმჯდომარე რომან გოცირიძეს, რომელმაც განაცხადა, რომ „TBC-ს სასამართლო ივანიშვილის სასახლეში შედგა და იმ "ქურდული გარჩევის" დროს მამუკა ხაზარაძე 100:0 დამარცხდა“.

ვოლსკის შეფასებით, გოცირიძე საზოგადოების შეცდომაში შეყვანას ცდილობს.

„ეს არ არის მხოლოდ ემოცია. ეს არის კომპეტენტური ადამიანის არაკომპეტენტური გამოსვლა განგებ იმ განზრახვით, რომ შეცდომაში შეიყვანოს საზოგადოება. ჯერ ერთი J.P. Morgan-ის ხსენება ისე, რომ შეეშინდა რაღაც ქურდული გარჩევის, არის არაკომპეტენტური განცხადება და არაეთიკურიც. მეორე საკითხი არის ის, რომ სასამართლოდან სარჩელი გამოაქვს, იმიტომ რომ ზუსტად იცის რაც მოხდა. მესამე არის ის, რომ თვითონ მამუკაც არ უარყოფს ამ თემას. ამბობს, რომ არ იცოდა. ფაქტი არის იმდენად ნათელი და თვალსაჩინო, რომ ამაზე კამათი არ შეიძლება. ასე შებრუნება თუ შეიძლებოდა  საკითხის, რომ თურმე აქციონერთა საბჭოს შეეშინდა და საქართველოს სასამართლოდან გამოიტანა საჩივარი, არა იმიტომ რომ ხედავს, რომ რაღაც არ არის წესრიგში, არამედ იმიტომ, რომ თურმე რაღაც შუშის სასახლეების ხსენება, არაეთიკურია. ქურდული გარჩევაც თქვენ მხარეს მოიკითხეთ, სადისტობაც თქვენ მხარეს მოიკითხეთ, არაკომპეტენტურობაც და თავსგასულობაც. მით უმეტეს, არ შეიძლება ესე ყველაფრის ჩამოკიდება იმაზე, რასაცა თქვენი პოლიტიკური ინტერესი ჰქვია. არსებობს სახელმწიფო ინტერესიც და ხანდახან ამაზეც უფრო სერიოზულად უნდა დაფიქრდეთ“, - მიმართა გია ვოლსკიმ რომან გოცირიძეს.

მამუკა ხაზარაძე „თიბისი ბანკიდან“ მიდის

„თიბისი ბანკი“ და ეროვნული ბანკი ერთობლივ განცხადებას ავრცელებენ

ეროვნული ბანკი - „თიბისის“ გადაწყვეტილება ბანკზე დადებითად აისახება

„თიბისი“ ეროვნულ ბანკთან სასამართლო დავებს წყვეტს და ჯარიმის სახით 1 მილიონ ლარს გადაიხდის

ხაზარაძესთან ერთად თიბისი ბანკს ბადრი ჯაფარიძეც ტოვებს

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა