"როგორც ჩანს, უგულავას ჩრდილში გაკეთებული საქმეები, ცხოვრებამ გამოიტანა მზეზე და ის პრობლემები, რომელიც მის არქიტექტურულ მემკვიდრეობას წარმოადგენს, დღეს არის კალაძის მოსაგვარებელი", - ასე გამოეხმაურა საპარლამენტო უმრავლესობის ლიდერი, არჩილ თალაკვაძე, თბილისის მერის დღევანდელ ბრიფინგს.

როგორც დეპუტატმა აღნიშნა, კახა კალაძემ სასტუმრო "ბუდაპეშტის" ვაკის პარკში მშენებლობის შეჩერებით, დედაქალაქისთვის სასიკეთო გადაწყვეტილება მიიღო.

"მინდა გამოვეხმაურო ჩვენი გუნდის ერთ-ერთი ლიდერის და თბილისის მერის, კახა კალაძის ბრიფინგს და მინდა მივესალმო იმ გადაწყვეტილებას, რომელიც მისი ძალისხმევით გახდა შესაძლებელი და აქვე, მინდა გავიხსენო ორი დღის წინანდელი კომენტარი, რომელიც გიგი უგულავამ გააკეთა, მან თქვა, რომ კალაძე გამოვიდეს ჩემი ჩრდილიდანო, როგორც ჩანს, უგულავას ჩრდილში გაკეთებული საქმეები, ცხოვრებამ გამოიტანა მზეზე და ბევრი პრობლემები, რომელიც მის არქიტექტურულ მემკვიდრეობას წარმოადგენს, დღეს არის კახი კალაძის მოსაგვარებელი. მან ეს შესძლო და ეს რთული საკითხი, სადაც იკვეთებოდა ინვესტორის ინტერესები, საკუთრების უფლებრივი საკითხები, მწვანე გარემოს დაცვის თემა, ბიზნესსა და გარემოს შორის თემა, წარმატებით მოაგვარა. ეს არის მაგალითი, თუ როგორ შეიძლება პასუხისმგებლობის, პროფესიონალიზმისა და ლიდერობის მაგალითი მისცეს მერმა საზოგადოებას. იცით, რომ იყო დიდი სკეპტიციზმი ამ საკითხის მიმართ და თბილისის მერმა შესძლო ის, რომ ყველა ინტერესის გათვალისწინებით, თბილისის სასარგებლოდ მოაგვარა ეს საკითხი", - აღნიშნა არჩილ თალაკვაძემ.

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა