2019-01-17 12:00:48, 1180 ნახვა

---

იაშვილის კლინიკის სამედიცინო დირექტორი - დაშავებული ბავშვი მკურნალობას კრიტიკული მედიცინის დეპარტამენტში აგრძელებს

იაშვილის კლინიკაში დიდ დიღომში მომხდარი აფეთქების შედეგად დაშავებული 4 წლის ბავშვის მდგომარეობასთან დაკავშირებით კონსილიუმი გაიმართა.

როგორც კლინიკის სამედიცინო დირექტორმა ივანე ჩხაიძემ განაცხადა, ბავშვს სკალპირებული ჭრილობების გამო სასწრაფო ოპერაცია საავადმყოფოში შეყვანისთანავე ჩაუტარდა.

ამასთან, ექიმის განმარტებით, მის სიცოცხლეს საფრთხე აღარ ემუქრება.

„ამ პაციენტთან გუშინ ჩატარდა ნეიროქირურგიული ოპერაცია. კიდევ ერთი პრობლემა,რომელიც გუშინვე გამოვლინდა ეს არის სისხლის დანაკარგი, რის საწინააღმდეგოდ გუშინაც დაიწყო ღონისძიებები და ახლაც გრძელდება. ზოგადი მდგომარეობა სტაბილურია, კონტაქტურია, თუმცა გათვალისწინებით დაზიანებისა და სისხლის დანაკარგისა გააგრძელებს მკურნალობას კრიტიკული მედიცინის დეპარტამენტში“, - განაცხადა ივანე ჩხაიძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი