„გიორგი მარგველაშვილს ეწურება  უფლებამოსილების ვადა და ამ უფლებამოსილების ამოწურვის ბოლო დღეებში, ის ცდილობს რაღაცნაირად, თავისი, ასე ვთქვათ, შეხედულებით, კუდი მოიქნიოს - ეს არ არის ღირსეული საქციელი",- ამის შესახებ ჟურნალისტებს საქართველოს პარლამენტის თავმჯდომარემ განუცხადა.

ირაკლი კობახიძე პრეზიდენტ გიორგი მარგველაშვილის განცხადებას გამოეხმაურა.

"არ ვიცი პორტირებულში რა იგულისხმება. თუ საუბარია „ნაცმოძრაობასთან" კავშირზე, ასეთი ადამიანებით სავსეა პრეზიდენტის ადმინისტრაცია. რა იგულისხმება ამაში, არ ვიცი, ანუ, რას გულისხმობს პრეზიდენტი",- აღნიშნა პარლამენტის თავმჯდომარემ.

ირაკლი კობახიძე გამოეხმაურა პრეზიდენტის კიდევ ერთ განცხადებასაც, სადაც გიორგი მარგველაშვილმა პრემიერმინისტრად „ქართული ოცნების" თავმჯდომარის, ბიძინა ივანიშვილის დაბრუნებაზე ისაუბრა.

„ვინ იქნება ქვეყნის პრემიერმინისტრი, ეს არის საპარლამენტო არჩევნებში გამარჯვებული პოლიტიკური ძალის გადასაწყვეტი. დღეს გამარჯვებულია „ქართული ოცნება", მისი თავმჯდომარეა ბიძინა ივანიშვილი და ამ პოლიტიკურმა ძალამ გადაწყვიტა ის, თუ ვინ უნდა იყოს პრემიერმინისტრი",- განაცხადა პარლამენტის თავმჯდომარემ.

მისივე შეფასებით, გიორგი მარგველაშვილმა ყველაფერი გააკეთა მეორე ვადით პრეზიდენტის თანამდებობაზე დასარჩენად, თუმცა, არჩევნებში მონაწილეობაც კი  ვერ გაბედა.

„რაც შეეხება გიორგი მარგველაშვილს, მან ყველაფერი გააკეთა იმისთვის, რომ დაბრუნებულიყო მეორე ვადით პრეზიდენტის პოსტზე, თუმცა, მან არჩევნებში მონაწილეობაც კი ვერ გაბედა, იმდენად დაბალი იყო მისი რეპუტაცია არჩევნების მომენტისთვის. აქედან გამომდინარე, მას მოვუწოდებ, ნუ გასცდება იმ მანდატს, რომელიც აქვს მინიჭებული", - აღნიშნა ირაკლი კობახიძემ.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა