თაკო ჩარკვიანსა და მის მეუღლეზე თავდასხმაში ბრალდებულს გირაო შეეფარდა

2018-12-03 19:46:58, 1872 ნახვა

სამართალი

ქუთაისის აეროპორტში თაკო ჩარკვიანისა და მისი მეუღლის თავდასხმაში ბრალდებულ დავით გორგოძეს სასჯელის სახით გირაო შეეფარდა.

ქუთაისის საქალაქო სასამართლოს მოსამართლემ მურთაზ კაპანაძემ სრულად დააკმაყოფილა ბრალდების მხარის შუამდგომლობა და გორგოძეს გირაო 3000 ლარის ოდენობით განისაზღვრა.

ამასთან, დაცვის მხარე გირაოს სახით 1000 ლარს ითხოვდა, თუმცა მოსამართლემ დაცვის მხარის შუამდგომლობა არ დააკმაყოფილა.

ცნობისთვის, ქუთაისის საქალაქო სასამართლოს გადაწყვეტილებით, ამავე საქმეზე ორი დღის წინ ორ პირს, გიორგი კერვალიშვილსა და დავით ბაიდარაშვილს ადმინისტრაციული წესით 700-ლარიანი ჯარიმა შეეფარდა, დავით მაჭავარიანის ბრალეულობა კი, ჯერჯერობით არ დადასტურდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები