„ექიმები ის ადამიანები არიან, ვინც პოლიტიკური ნიშნით კი არა, ბრძოლის ველზე დაჭრილ მოწინააღმდეგეს და მოსისხლე მტერსაც კი, აღმოუჩენენ დახმარებას. ასე რომ, ასეთი საუბარი, უბრალოდ, მიუღებელია და არავის არ ვურჩევ ამის გაკეთებას“, - ასე გამოეხმაურა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო ონში გრიგოლ ვაშაძის საარჩევნო შტაბის ხელმძღვანელის, ნოდარ ბურდილაძისთვის სამედიცინო დახმარების დაგვიანებით აღმოჩენის შესახებ შეფასებას.

მინისტრის თქმით, ამ ტიპის განცხადებები მედიკოსებისთვის ღირსების შემლახავია.

„მე გუშინ მოვისმინე გარკვეული შეფასებები, რომელზეც გაოცებული ვარ. როგორ შეიძლება, ადამიანს ენა მოუბრუნდეს იმაზე, რომ თქვას, ექიმმა კრიტიკულ მდგომარეობაში მყოფ პაციენტს დახმარება შეგნებულად, პოლიტიკური მოსაზრებების გამო არ აღმოუჩინა. ამაზე მძიმე შეურაცხყოფა მე ექიმისთვის უბრალოდ არ ვიცი და არავის ვურჩევდი, რომ ექიმების ღირსების შელახვას ეცადოს!“ - აღნიშნა დავით სერგეენკომ. 

მან დაშავებულის ამჟამინდელი ჯანმრთელობის მდგომარეობის შესახებ გააცნო ჟურნალისტებს ინფორმაცია. მინისტრის თქმით, პაციენტს ინტენსიური მკურნალობა უტარდება.

„პაციენტის მდგომარეობა არის სტაბილურად მძიმე. ასეთი დაზიანებების შემდეგ, პაციენტებს სჭირდებათ ინტენსიური თერაპია. ახლა ის რეანიმაციულ განყოფილებაში გადის მკურნალობას, რადგან ასეთი დაზიანებები ხანგრძლივ მართვას მოითხოვს“,- განმარტა მინისტრმა.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი