„საქართველოს სახმელეთო და საზღვაო ტერიტორიებზე ნავთობის პოტენციალის შესწავლასთან დაკავშირებით, „ექსონმობილი“ იღებს 200 დღეს, რომ პირველი შედეგები მოგვაწოდოს", - ამის შესახებ ეკონომიკისა და მდგრადი განვითარების მინისტრმა  გიორგი ქობულიამ უმსხვილესი ამერიკული ნავთობკომპანიის, „ექსონმობილის"  წარმომადგენლებთან გამართული შეხვედრის შემდეგ განაცხადა, რომლის ფარგლებშიც კომპანიასა და სსიპ ნავთობისა და გაზის სახელმწიფო სააგენტოს შორის  საქართველოს ტერიტორიაზე გეოლოგიური და გეოფიზიკური მასალების შესწავლის შესახებ ხელშეკრულება გაფორმდა.

„მარტო ის ფაქტი, რომ ისეთი დიდი კომპანია, მსოფლიო ლიდერი, როგორიც „ექსონმობილია," დაინტერესდა საქართველოში ნავთობის პოტენციალით, უკვე ძალიან ბევრზე მეტყველებს. ჩვენ იმედი გვაქვს, რომ გვექნება შესაძლებლობა,  გაზისა და ნავთობის რესურსები ჩვენი ქვეყნის სასარგებლოდ გამოვიყენოთ", - აღნიშნა ეკონომიკისა და მდგრადი განვითარების მინისტრმა.

„ექსონმობილთან" გაფორმებული ხელშეკრულების ფარგლებში კომპანია დასავლეთ საქართველოს ნახშირწყალბადების პოტენციალის შეფასებას განახორციელებს. მხარეები შეთანხმდნენ, რომ სააგენტოს მიერ გადაცემული გეოლოგიური და გეოფიზიკური მონაცემების  შესწავლის დასრულების შედეგად „ექსონმობილი" მოამზადებს ანგარიშს და ინტეგრირებულ მონაცემთა ბაზას, რომლებსაც  სახელმწიფოს გადასცემს. ეს ანგარიში გამოყენებული იქნება შემდგომი სამუშაოების დაგეგმვის მიზნით, რომლის მიზანიც ნავთობისა და გაზის დაგროვებების ახალ აღმოჩენაა.  „ექსონმობილი" ასევე განახორციელებს სააგენტოს  თანამშრომლების გადამზადებას მონაცემთა ბაზით სარგებლობასა და სტრატიგრაფიულ ანალიზში.

(NS)

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა