ფრანკფურტის წიგნის ბაზრობაზე, საქართველოს პავილიონში Magnum Photos ფოტოგრაფის, მარტინ პარის City Book Tbilisi-ის პრეზენტაცია გაიმართა.

პარტინ პარის ნამუშევარი თბილისის მერის მოადგილე სოფიო ხუნწარიამ, Magnum Photos პრეზიდენტთან, პროექტის ხელმძღვანელთან და მწერალ აკა მორჩილაძესთან ერთად წარადგინა.

City book Tbilisi ფოტოგრაფის მიერ თბილისში 2018 წელს გადაღებული ფოტოებით შეიქმნა და ერთ-ერთ ცნობილ გერმანულ გამომცემლობასთან, Prestel Publishing-თან თანამშრომლობით მიუნხენში გამოიცა. ალბომის ტექსტის ავტორი აკა მორჩილაძეა.

პროექტი თბილისის მერიის მხარდაჭერით განხორციელდა და მისი მხარდამჭერები არიან Magnum Photos, „თიბისი ბანკი“, საქართველოს განათლების, მეცნიერების, კულტურისა და სპორტის სამინისტრო, „ქართული წიგნის ეროვნული ცენტრი“, საქართველოს ტურიზმის ეროვნული ადმინისტრაცია, საქართველოს წიგნის გამომცემელთა და გამავრცელებელთა ასოციაცია და „საქართველოს ავიახაზები“.

დღესვე, დამთვალიერებლებისთვის გაიხსნა ექსპოზიცია "თბილისი მაგნუმის წიგნებში", რომელზეც 1947-2018 წლებში, 9 უცხოელი ფოტოგრაფის მიერ თბილისში გადაღებული 23 ფოტო იყო წარმოდგენილი.

(NS)

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ