ავღანეთში, ბაგრამის საავიაციო ბაზაზე,  საზღვაო ქვეითთა კორპუსის  ქართული სამეკავშირეო ჯგუფის წევრთა დაჯილდოება გაიმართა.

თავდაცვის სამინისტროს ინფორმაციით, I ქვეითი ბრიგადის მე-11 ბატალიონის  მეთაურმა, ვიცე-პოლკოვნიკმა ირაკლი ჭითანავამ საქართველოსა და შეერთებულ შტატებს შორის სამხედრო თანამშრომლობის განვითარების საქმეში შეტანილი წვლილისთვის ამერიკელი სამხედროები მედლით „გენერალი კვინიტაძე“ დააჯილდოვა და სამახსოვრო საჩუქრები გადასცა.

დაჯილდოების ცერემონიალს ტაქტიკური დაჯგუფება „მანჩუ“-ს მეთაური ვიცე-პოლკოვნიკი დევიდ უთლაუთი  დაესწრო. მან საზღვაო ქვეითთა კორპუსის ქართულ  სამეკავშირო ჯგუფის უფროსთან, მაიორ ტიმოტი  ჯილეტისთან ერთად ქართველ და ამერიკელ სამხედრო მოსამსახურეებს სიტყვით მიმართა, მე-11 ბატალიონს საერთაშორისო ოპერაციით გათვალისწინებული ამოცანების წარმატებით განხორციელებისთვის მადლობა გადაუხადა და სამშობლოში მშვიდობით დაბრუნება უსურვა.

I ქვეითი ბრიგადის მე-11 ბატალიონი ბაგრამის საავიაციო ბაზაზე, აშშ-ის სარდლობის დაქვემდებარებაში „მტკიცე მხარდაჭერის“ მისიას მაისის თვიდან ასრულებს .ბატალიონის ამოცანას  ბაზის შიდა და გარე პერიმეტრის  დაცვა და უსაფრთხოების უზრუნველყოფას წარმოადგენს.

(NS)

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს