ყოფილი პრემიერი და შინაგან საქმეთა მინისტრი, ვანო მერაბიშვილი კლინიკა "მედიქლაბ ჯორჯიაში" დღის ბოლომდე დარჩება.

მერაბიშვილის ადვოკატის, გიორგი ჩივიაშვილის განცხადებით, ყოფილი მინისტრისთვის ჩატარებული გამოკვლევის შედეგები მათთვის არ გადაუციათ.

„დღეს მერაბიშვილთან შევა სხვადასხვა პროფილის რამდენიმე ექიმი, მოხდება სრულყოფილი ახალი კვლევის ჩატარება. ჰორნერის სინდრომთან დაკავშირებით არ არის დადგენილი რამ გამოიწვია. როგორც აქამდე ვამბობდით, ეს შეიძლება იყოს, ინტოქსიკაცია. იმედია სრულად გამოიკვლევენ და დიაგნოზს მაინც გვეტყვიან. წინააღმდეგ შემთხვევაში ხელისუფლებამ უნდა გვითხრას რომ, ისინი არიან უძლურები, არ შეუძლიათ მერაბიშვილისთვის დიაგნოზის დასმა და მისი მკურნალობა“, - განაცხადა გიორგი ჩივიაშვილმა.

შეგახსენებთ, რომ დღეს საქართველოს ყოფილი პრემიერი ვანო მერაბიშვილი ე.წ. მატროსოვის ციხიდან ისევ კლინიკაში გადაიყვანეს. მერაბიშვილი კლინიკაში 12 სექტემბერსაც იმყოფებოდა. პენიტენციური სამსახურის ცნობით, მას დამატებითი გამოკვლევები უტარდება. მერაბიშვილის გადაყვანას იუსტიციის მინისტრი თეა წულუკიანიც გამოეხმაურა და აღნიშნა, რომ ვანო მერაბიშვილს სერიოზული არაფერი სჭირს. 

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს