გარემოს დაცვისა და სოფლის მეურნეობის მინისტრი ლევან დავითაშვილი შვედეთის სამეფოს საგანგებო და სრულუფლებიან ელჩს საქართველოსა და სომხეთის რესპუბლიკაში ულრიკ თიდესტრომს შეხვდა.

სამინისტროს ინფორმაციით, გაცნობითი ხასიათის შეხვედრაზე მხარეებმა ქვეყნებს შორის სამომავლო თანამშრომლობის საკითხები განიხილეს.

ლევან დავითაშვილმა ვრცლად ისაუბრა შვედეთის სამეფოს მიერ გარემოსდაცვითი მიმართულებით გაწეული მხარდაჭერისა და აქტიური თანამშრომლობის შესახებ და ყურადღება ნარჩენების მართვის, ბირთვული და რადიაციული უსაფრთხოების საკითხებზე გაამახვილა.

მინისტრმა ხაზგასმით აღნიშნა, რომ მწვანე ეკონომიკის განვითარება ქვეყნისთვის პრიორიტეტული მიმართულებაა.

ულრიკ თიდესტრომის განცხადებით, საქართველოს გარემოსდაცვითი განვითარების კუთხით სწორი ხედვა გააჩნია. დაადასტურა შვედეთის სამეფოს სრული მხარდაჭერა და სამომავლოდ მჭიდრო თანამშრომლობის სურვილი გამოთქვა.

(NS)

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ