პანკისში ჩატარებული სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი „ქართული ოცნების“ წარმომადგენლებს მიმართავს, რომ გვერდით დაუდგნენ. 

მაჩალიკაშვილი პარლამენტის თავმჯდომარის ირაკლი კობახიძის იმ განცხადებას გამოეხმაურა, რომელშიც მან შვილმოკლული მამების აქციას "ნაციონალური მოძრაობის" აქცია უწოდა. მაჩალიკაშვილის თქმით, მას აღაფრის იმედი აღარ აქვს. 

„თუ დგას აქ 10 „ნაციონალი,“ მაშინ გამოვიდეს ეს კობახიძე და მოიყვანოს 9 ადამიანი, თვითონ მე-10 იქნება. დამიდგეს, მაშინ სხვები იტყვიან, რომ „ქოცები“ დგანან მაგათ გვერდითო. დაგვიდგეს მაშინ გვერდით. თუ გააჩნიათ ადამიანობა, სინდისი, ნამუსი, ცოტა მაინც ქართული სისხლი, ქართული კაცობა. მე ამათ ვერ გავუგე. ხელისუფლებაში ისეთი ადამიანები არიან, თვით იესო ქრისტე რომ დადგეს ჩვენს გვერდით, მაინც რაღაც მიზეზს მოძებნიან“, - განაცხადა მალხაზ მაჩალიკაშვილმა.

ცნობისთვის, საქართველოს პარლამენტის შენობასთან შვილმოკლული მამების პროტესტი 2 კვირაზე მეტია გრძელდება.ხორავას ქუჩაზე მოკლული ერთ-ერთი მოზარდის მამა ზაზა სარალიძე და პანკისის ხეობაში ჩატარებული სპეცოპერაციის დროს მოკლული თემირლან მაჩალიკაშვილის მამა მალხაზ მაჩალიკაშვილი ხელისუფლების გადადგომას და მათი შვილების მკვლელების დასჯას ითხოვენ. პარლამენტის მიმდებარე ტერიტორიაზე აქციის მონაწილეებმა პლაკატები მიიტანეს და საზოგადოებას მოუწოდეს, რომ შვილმოკლულ მამებს გვერდით დაუდგნენ.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს