თბილისში, კრწანისის რაიონის გამგეობის ორგანიზებით, კრწანისობის ტრადიციული დღესასწაული გაიმართა.

ღონისძიებას თბილისის მერის მოადგილე ილია ელოშვილი და კრწანისის რაიონის გამგებელი ლევან ჯაფარიძე დაესწრნენ.

ილია ელოშვილმა მადლობა გადაუხადა საქართველოს კათოლიკოს-პატრიარქს ილია მეორეს, რომელმაც აღნიშნულ ღონისძიებას საფუძველი ჩაუყარა და დამსწრე საზოგადოებას მიულოცა.

„300 არაგველი არის ვაჟკაცობის, შემართების და გამარჯვების სიმბოლო. მიუხედავად იმისა, რომ კრწანისის ბრძოლა წავაგეთ, რეალურად, სამასმა  არაგველმა ეს ბრძოლა მოიგო და საუკუნეებს დაუტოვა ასეთი მაგალითი, რომელზეც უნდა დაიზარდონ ჩვენი შვილები. მათ გვაჩვენეს მაგალითი იმისა, რომ წაგებული ბრძოლა არ არსებობს, თუკი შემართებით და ვაჟკაცურად იბრძოლებ“, - განაცხადა თბილისის მერის მოადგილემ ილია ელოშვილმა.

300 არაგველის მემორიალთან კრწანისის ბრძოლაში გარდაცვლილთა სავედრებელი პარაკლისი აღევლინა, მოგვიანებით კი ღონისძიების შემოქმედებითი ნაწილი გაიმართა, სადაც წარმოდგენილი იყო ფოლკლორული და თეატრალური ნომრები.

სცენაზე დაიდგა პერფორმანსი, რომელიც სიმბოლურად საქართველოს კუთხეების მრავალფეროვნებას და ქვეყნის ერთიანობას განასახიერებდა. სანახაობის შემდეგ მაყურებელმა საბრძოლო ხელოვნების შოუ იხილა: სცენაზე ერთმანეთს ენაცვლებოდნენ ქართული ხალხური სიმღერისა და ცეკვის ანსამბლები.

(NS)

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ