„სამედიცინო მომსახურების მოთხოვნის გამო,  წლების წინ  ვანო მერაბიშვილი და მისი კოლეგები სჯიდნენ ადამიანებს, რაც ხშირად სამწუხაროდ სიკვდილით მთავრდებოდა“, - ასე გამოეხმაურა საპარლამენტო უმრავლესობის ერთ-ერთი ლიდერი, არჩილ თალაკვაძე, ყოფილი პრემიერისა და შინაგან საქმეთა მინისტრის, ვანო მერაბიშვილის ადვოკატების განცხადებას, რომ ყოფილი პრემიერი სასჯელაღსრულების დაწესებულებაში სათანადო მკურნალობას ვერ გადის.

თალაკვაძის განმარტებით, ჯანდაცვის სისტემა ყველა მსჯავრდებულებისთვის ხელმისაწვდომია.

„ადვოკატების განცხადების შემდეგ ჩვენმა საზოგადოებამ კიდევ ერთხელ დაინახა თუ რა განსხვავებაა ვანო მერაბიშვილის ხელისუფლების დროს სასჯელაღსრულების სისტემასა და დღეს ჩვენი ხელისუფლების დროს სასჯელაღსრულების სისტემას შორის. როდესაც ადამიანს, მის ადვოკატებს, შეუძლიათ სამედიცინო მომსახურებასთან დაკავშირებით გამოთქვან თავსი პოზიციები, მიიღონ ალტერნატიული სამედიცინო აზრი, ჩაიტარონ გამოკვლევები სამოქალაქო სექტორის კლინიკაში და საერთოდ, ეს გახდეს მსჯელობის საგანი, რისთვისაც წლების წინ სწორედ ვანო მერაბიშვილი და მისი კოლეგები სჯიდნენ ადამიანებს, რაც ხშირად სამწუხაროდ სიკვდილით მთავრდებოდა“, - განაცხადა არჩილ თალაკვაძემ.

ცნობისთვის, მერაბიშვილის ჯანმრთელობის მდგომარეობასთან დაკავშირებით დღეს განცხადება სპეციალურმა პენიტენციურმა სამსახურმა გაავრცელა. უწყებაში მერაბიშვილის მოწამვლის შესახებ ინფორმაციას კატეგორიულად უარყოფენ.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს