„ნარკომანები საშიში ხალხია, გაიხსენეთ, ცოლებს წამალში ცვლიდნენ“, - ამის შესახებ მეუფე იაკობმა საქართველოს საპატრიარქოს ქართულ უნივერსიტეტში, ნარკომანიის თემაზე მიმდინარე კონფერენციის დაწყების წინა ჟურნალისტებს განუცხადა.

იგი მარიხუანის წარმოებისა და ექსპორტის შესახებ მთავრობის ინიციატივას გამოეხმაურა და აღნიშნა, რომ ამ საკითხს დაფიქრება სჭირდება.

„არ უნდა იჭერდნენ მოწევისთვის, ისიც ეყოფა, რომ ეწევა, უნა დავეხმაროთ, რომ თუ სურვილიც ექნება, შესაბამისი მკურნალობაც მიიღოს სახელმწიფოსგან. მე რაც შეხება მქონია ნარკომანებთან, ძალიან საშიში ხალხია, თუ გაიხსენებთ, ცოლები გადაჰყავდათ და წამალში ცვლიდნენ. სახელმწიფო როგორ აიღებს მაგას ვერ გეტყვით, ამ საკითხს ძალიან დიდი დაფიქრება უნდა, ცოდოა ის ხალხი, უნდა დავეხმაროთ“, - განაცხადა მეუფე იაკობმა.

ცნობისთვის, საქართველოში მარიხუანას მოყვანა და ექსპორტზე გატანა იგეგმება. შსს-ს ინფორმაციით, მთავრობის მიერ მარიხუანასთან დაკავშირებით ინიცირებული საკანონმდებლო ცვლილებები მარიხუანას გასაღების მკაცრ შეზღუდვას ითვალისწინებს. როგორც ცნობილია, აღნიშნულ თემაზე საუბარი გუშინ „ქართული ოცნების" ოფისში გამართულ შეხვედრაზე იყო, რომლესაც ბიძინა ივანიშვილი ესწრებოდა. სწორედ ყოფილმა პრემიერმა დაუჭირა მხარი მარიხუანას წარმოებისა და ექსპორტზე გატანის პროექტს. 

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს