თბილისის მერი კახა კალაძე გლდანის რაიონში, მუხიანი 2-ის დასახლებაში არსებულ ინფრასტრუქტურულ პრობლემებს გაეცნო და მოსახლეობას მათ მოგვარებას დაპირდა.

კახა კალაძის დავალებით,  ორ დღეში ადგილზე ინფრასტრუქტურის განვითარების  საქალაქო სამსახური წყალარინების ახალი ქსელის მოწყობის სამუშაოებს დაიწყებს.

დედაქალაქის მერი, წყალმომარაგების პრობლემის მოგვარების მიზნით, კომპანია „ჯორჯიან უოთერ ანდ ფაუერთან“ კომუნიკაციასაც გეგმავს. 

„პირველ ეტაპზე წყალარინების სისტემა მოეწყობა. იგეგმება სანიაღვრეების მოწესრიგებაც. აქ მცხოვრებ მოქალაქეებს წყალი 24-საათიან რეჟიმში არ მიეწოდებათ. არსებობს კითხვები, თუ რატომ არ მიეწოდებათ წყალი, რადგან რამდენიმე წლის წინ ამ მიმართულებით სამუშაოები განხორციელდა.  ჩვენ GWP-სთან კომუნიკაცია გვექნება და ამ პრობლემას აუცილებლად მოვაგვარებთ. ბოლო ეტაპი კი საგზაო ინფრასტრუქტურის მოწესრიგება იქნება”, -  განაცხადა კახა კალაძემ.

პროექტის მიხედვით,  დასახლებაში გაკეთდება ცენტრალური კოლექტორი, რის შემდეგაც წყალარინების ქსელი ვარდისუბნისა და საზანოს ქუჩებზე მოეწყობა.

ახალი ქსელის მოწყობის სამუშაოებისთვის დედაქალაქის ბიუჯეტიდან 1 903 172 ლარი დაიხარჯება დამას ტენდერში გამარჯვებული კომპანია „გზა“ განახორციელებს.  

მუხიანი 2-ის დასახლებაში ინფრასტრუქტურული სამუშაოები  2019 წელს დასრულდება.

(NS)

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ