დონალდ ტრამპმა სენატორ მაკკეინის გარდაცვალებასთან დაკავშირებით, თეთრი სახლის მიერ ოფიციალური განცხადების გამოქვეყნებაზე უარი თქვა, - ამის შესახებ The Washington Post-ი წერს.

თეთრი სახლის ადმინისტრაციამ წინასწარ მოამზადა განცხადება, სადაც გარდაცვლილი სენატორი ჯონ მაკკეინი ვიეტნამის ომში მონაწილეობის გამო გმირად იყო მოხსენიებული. ეს განცხადება პრეზიდენტ ტრამპს გადაუგზავნეს, თუმცა მან ამ განცხადების გავრცელებაზე უარი თქვა.

ამის ნაცვლად აშშ-ის პრეზიდენტმა მოკლე განცხადება დაწერა „ტვიტერზე“:

„მინდა უღრმესი პატივისცემა და სიმპათია გამოვხატო სენატორ ჯონ მაკკეინის ოჯახის მიმართ. გულით და ლოცვით თქვენთან ვართ“, - დაწერა დონალდ ტრამპმა.

The Washington Post-ი ასევე წერს, რომ ბოლო პერიოდში დონალდ ტრამპსა და ჯონ მაკკეინს შორის ურთიერთობა დაძაბული იყო. ამერიკელი სენატორი თეთრი სახლის ლიდერს ღიად აკრიტიკებდა. სიკვდილამდე ცოტა ხნით ადრე მაკკეინმა დონალდ ტრამპის ვლადიმერ პუტინთან შეხვედრას „ტრაგიკული შეცდომა“ უწოდა.

გარდა ამისა, დონალდ ტრამპმა 2015 წელს განაცხადა, რომ ჯონ მაკკეინს გმირად არ მიიჩნევს, რადგან ვიეტნამის ომის დროს ის ტყვედ ჩავარდა: „პატივს ვცემ იმ ადამიანებს, რომლებიც ტყვედ არ ჩავარდნენ“.

შეგახსენებთ, 81 წლის ასაკში საკუთარ სახლში ამერიკელი სენატორი ჯონ მაკკეინი გარდაიცვალა. როგორც ცნობილია მაკკეინი ტვინის სიმსივნეს ებრძოდა და რამდენიმე თვის წინ მძიმე ოპერაციაც გადაიტანა.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”