„დანიშნონ სადაც უნდათ. რატომ გვაშფოთებს ეს საკითხი“, – ამის შესახებ ყოფილმა პრემიერ–მინისტრმა ბიძინა ივანიშვილმა ზურაბ ადეიშვილის ოდესის ოლქის მთავარ პროკურორად შესაძლო დანიშვნასთან დაკავშირებით განაცხადა. 
რაც შეეხება უკრაინის ხელისუფლებაში დანიშნულ საქართველოს ყოფილი პირველი პირების სამართლებრივ პასუხისმგებლობის საკითხს, ივანიშვილმა აღნიშნა, რომ „მართლმსაჯულების სისტემამ რაც შეეძლო ის გააკეთა“. 
„რაში სჭირდებათ ეს ხალხი, დანიშნონ სადაც უნდათ, რა პრობლემაა. იმუშაონ, თუ კი სამსახურს მისცემენ, რა პრობლემაა, რატომ გვაშფოთებს ეს საკითხი, წავიდნენ და იმუშაონ, თუ კი ვინმე დაპატიჟებთ.  რაც შეეხება მათ პასუხისმგებლობას, ქართულმა საზოგადოებამ, სამართალმა, მთავრობამ, ყველამ ერთად  რეაგირება გააკეთა მათ დარღვევებზე, ჩვენმა მართლმსაჯულების სისტემამ რაც შეძლო, ის გააკეთა... ის, რომ  ევროპასა და ამერიკაში ასე იოლად ხელი არ მიუწვდება,  ესეც უნდა გავაცნობიეროთ“, – აღნიშნა ივანიშვილმა. 
ცნობისთვის, მიხეილ სააკაშვილი ოდესის ოლქის გუბერნატორად დაინიშნა. ზურაბ ადეიშვილი კი, შესაძლოა ოდესის მთავარ პროკურორად დაინიშნოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა