ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე ქართულ-ბრიტანული სავაჭრო პალატის „ბრიტანული კუთხე“ და დიდი ბრიტანეთის საელჩოს მიერ გამართულ ღონისძიებას „დააგემოვნე ბრიტანეთი“  დაესწრო. 

მან  ხაზგასმით  ბრიტანულ  სამზარეულოზე, მწერლობასა და მუსიკაზე ისაუბრა.  

ამასთან, ღონისძიებაზე ბაქრაძემ ბრიტანული კერძები და ლუდი  დააგემოვნა.  

როგორც ჟურნალისტებთან  საუბრისას დავით ბაქრაძემ აღნიშნა, დიდი ბრიტანეთის კულინარიის მრავალფეროვნება ქართულ რეალობაში შემოვა. 

„ძალიან სასიამოვნო ღონისძიება იმართება. ქართული კულინარია უკვე დააგემოვნა ლონდონმა. დღეს ჩვენ გვექნება შესაძლებლობა ბრიტანულ კულინარიას გავეცნოთ. საქართველოსთვის, ჩვენი ოჯახებისთვის უცხო არ არის დიდი ბრიტანეთის მწერლობა, ჩვენთვის ახლობელია ბრიტანული მუსიკა, ჩვენ ვგულშემატკივრობთ ბრიტანულ გუნდებს. ასე, რომ დიდი ბრიტანეთის კულინარიის მრავაფეროვნება ჩვენს რეალობაში შემოვა“,-განაცხადა დავით ბაქრაძემ.

ამასთან, აღნიშნულ ღონისძიებას დიდი ბრიტანეთის და ჩრდილოეთ ირლანდიის გაერთიანებული სამეფოს საგანგებო და სრულუფლებიანი ელჩი  საქართველოში ალექსანდრა ჰოლ ჰოლი ეწვია. 

როგორც ჰოლ ჰოლმა ჟურნალისტებთან საუბრისას აღნიშნა, ბრიტანულ-ქართულმა სავაჭრო პალატამ  უკვე რამდენიმე  „დააგემოვნე საქართველოს“  უმასპინძლა ლონდონში. 

„მოხარული ვარ, რომ დღევანდელი ღონისძიების „დააგემოვნე ბრიტანეთი“ თანამასპინძელი ვარ და ჩემთან ერთად სახელმწიფო მინისტრი  ევროატლანტიკურ საკითხებში დავით ბაქრაძეც იმყოფება. ჩვენ მისი სამინისტროს საქმიანობის მხარდამჭერები ვართ.  ქართულ-ბრიტანულმა საბჭომ  უკვე რამდენიმე „ დააგემოვნე საქართველოს“ უმასპინძლა ლონდონში, სადაც საუკეთესო ქართული პროდუქციის დაგემოვნება იყო შესაძლებელი.  ჩვენ გადავწყვიტეთ ეს ინიციატივა თბილისშიც ჩამოგვეტანა და ქართველი მომხმარებლებისთვის  მიგვეცა საშუალება დაეთვალიერებინათ და დაეგემოვნებინათ ტრადიციული ბრიტანული პროდუქტები.  საქართველო ევროკავშირთან ღრმა და ყოვლისმომცველი სავაჭრო შეთანხმების განხორციელების პროცესშია და ვიმედოვნებ, რომ ამ ტიპის გაცვლები უფრო ხშირად მოხდება და რომ სულ მალე მაღალი ხარისხის ქართულ პროდუქციას ბრიტანული სუპერმარკეტების დახლებზეც ვიხილავთ, ხოლო ქართველი მომხმარებელი საუკეთესო ბრიტანულ პროდუქტს საქართველოში შეიძენს.“,-განაცხადა ალექსანდრა ჰოლ ჰოლმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა