„მეუფე იაკობმა კარგად იცის, რომ საკუთარი წვლილი ე.წ. ციანიდის საქმეში არ დაიმალება და აქედან გამომდინარე არის გამოწვეული მისი აგონიური მდგომარეობა“, - ასე გამოეხმაურა დეკანოზ გიორგი მამალაძის ადვოკატი,გიორგი ფანცულაია, მეუფე იაკობის მიერ გუშინ ქადაგებისას გაკეთებულ განცხადებებს.
ადვოკატი მეუფე იაკობს ცილისწამებაში ადანაშაულებს.
ამასთან, თითქოს, გიორგი მამალაძე რუსეთში მსახურობდა, სიმართლეს არ შეესაბამება.
 „საქმე მიდის სტრაზბურგის ადამიანის უფლებათა დაცვის სასამართლოში, აქედან გამომდინარე, ამ ხნის განმავლობაში, ქართულ მართლმსაჯულებაში იმალებოდა ეს რეალობა და მათ შორის მეუფე იაკობის წვლილი ციანის საქმეში, მან კარგად იცის, რომ სტრასბურგის სასამართლოში საკუთარი წვლილი ე.წ. ციანიდის საქმეში არ დაიმალება და აქედან გამომდინარე არის გამოწვეული მისი აგონიური მდგომარეობა. რუსეთის საპატრიარქოს იურისდიქციაში კი არ მსახურობდა, საქართველოს საპატრიარქოს მიერ იყო წარდგენილი უკრაინაში, ქართველ ემიგრანტებთან, ჩაეტარებინა წირვა-ლოცვები და მინიმუმ ამ ინფორმაციას უნდა ფლობდეს“, - აღნიშნა გიორგი ფანცულაიამ.

შეგახსენებთ, რომ ბოდბელმა ეპისკოპოსმა, მეუფე იაკობმა,დეკანოზი გიორგი მამალაძე „ავაზაკად“ და „დაჯგუფების წევრად“ მოიხსენია.

ავტორი: ,

სოციალური ქსელები

ზურაბ მენთეშაშვილი, რომელიც მეორედ იყო გასამართლებული რუსთაველის გამზირის გადაკეტვისთვის 9 თვის შემდეგ გათავისუფლდა

ზელენსკი: რუსეთმა უკრაინა ჩრდილოეთ კორეული რაკეტით დაბომბა

ესპანეთის საზღვარს ათასობით მიგრანტი შტურმით იღებს, მადრიდი კრიზისის ადგილას ჯარს აგზავნის

მიხეილ სარჯველაძე Roche-ს ფარმაცევტული მიმართულების აღმასრულებელ დირექტორს შეხვდა, რომელიც ონკოლოგიურ და დიუშენის დისტროფიის სამკურნალო წამლებს აწარმოებს