ისნის რაიონის გამგეობა შიდა გზებისა და საცხოვრებელი სახლების ეზოების კეთილმოწყობას განაგრძობს. ამ დროისთვის, წულაძის ქუჩაზე მდებარე N22 კორპუსის მიმდებარედ, 1 450 მ2 ფართობზე გზის რეაბილიტაცია ხორციელდება.  

პროექტის ფარგლებში, ეწყობა ბორდიური და ტროტუარი. ასფალტის საფარის დაგება კი, რამდენიმე დღეში დაიწყება. ეზოს კეთილმოწყობის პროექტი ისნის რაიონის გამგეობის ბიუჯეტიდან 40 000 ლარით დაფინანსდა. 

ნავთლუღის დასახლებაში მიმდინარე ინფრასტრუქტურულ სამუშაოებს ისნის რაიონის გამგებელი კახა ლაბუჩიძე, საკრებულოს მაჟორიტარ დეპუტატ ნინო ლაცაბიძესთან ერთად გაეცნო. გამგებელი ადგილობრივ მოსახლეობასაც შეხვდა და პროექტით გათვალისწინებულ სამუშაოებზე ესაუბრა. 

რაიონის გამგებელი და დეპუტატი არსენ იყალთოელის ქუჩაზეც იმყოფებოდნენ, სადაც გზის რეაბილიტაცია დაიწყო. საგზაო სამუშაოები 2 381 მ2 ფართობზეა დაგეგმილი, რომლის ფარგლებშიც, 53 მ2 ტროტუარი და 442 გრძივი მეტრი ბორდიური მოეწყობა. საწყის ეტაპზე, ასფალტის დაგებამდე, მოსამზადებელი სამუშაოები მიმდინარეობს. 

პროექტის ღირებულება 71 994 ლარს შეადგენს, ხოლო სამუშაოებს ორივე მისამართზე კომპანია „არსაკიძე 2000“ აწარმოებს. ნავთლუღში, ეზოს კეთილმოწყობის სამუშაოები კვირის ბოლომდე, ხოლო არსენ იყალთოელის ქუჩაზე გზის რეაბილიტაცია ორ კვირაში დასრულდება. 

(NS)

ავტორი: ,

სოციალური ქსელები

მიხეილ სარჯველაძე Roche-ს ფარმაცევტული მიმართულების აღმასრულებელ დირექტორს შეხვდა, რომელიც ონკოლოგიურ და დიუშენის დისტროფიის სამკურნალო წამლებს აწარმოებს

ვისაუბრეთ ურთიერთობების პერსპექტივებზე – ბოჭორიშვილი აშშ-ს დროებით რწმუნებულს შეხვდა

დაჭრა 2 ადამიანი და ადგილიდან მიიმალა - გორში მომხდარზე შსს-მ 1 პირი დააკავა

თბილისში არასრულწლოვანმა, ცივი იარაღის გამოყენებით, ტაქსის მძღოლი დაჭრა - კონფლიქტი მგზავრობის საფასურის გამო მოხდა