თეთრი სახლის პრესმდივნის სარა სანდერსის განცხადებით, ამერიკამ თურქ მაღალჩინოსნებს სანქციები დაუწესა. ინფორმაციას Bloomberg ავრცელებს. 

როგორც სანდერსმა აღნიშნა, შეზღუდვების პაკეტი თურქეთის იუსტიციისა და შინაგან საქმეთა მინისტრების წინააღმდეგ ამოქმედდება.

მედია საშუალების ინფორმაციით, გადაწყვეტილება ქვეყნის პრეზიდენტმა დონალდ ტრამპმა თურქეთში ამერიკელი პასტორის, ენდრიუ ბრანსონის დაპატიმრების გამო მიიღო. ოფიციალურმა ვაშინგტონმა თურქეთს პასტორის გათავისუფლების მოთხოვნით რამდენჯერმე მიმართა, რაზეც ანკარამ უარი განაცხადა. 

ცნობისთვის, პასტორი 2017 წელს იზმირში დააკავეს. მას ბრალად თურქეთში აკრძალულ „ქურთისტანის მუშათა პარტიასთან“ და ფეთჰულაჰ გიულენის ორგანიზაციასთან კავშირი ედება. ბრალის დამტკიცების შემთხვევაში, მას 35-წლიანი პატიმრობა ემუქრება. ბრანსონი, მეუღლესთან ერთად, თურქეთში, ქალაქ იზმირში, 23 წლის განმავლობაში ცხოვრობდა და ქრისტიანული ეკლესიის მოძღვარი იყო.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”