„მიუხედავად იმისა, რომ ბიძინა ივანიშვილის ინტერვიუ იყო ძალზე კრიტიკული მთავრობის საქმიანობისადმი, კვლავაც გრძელდება ხელმოცარული და უპერსპექტივო ოპოზიციის მხრიდან, პერსონალურად მის მიმართ იერიშების მიტანა“, - ამის შესახებ პრემიერ-მინისტრმა მამუკა ბახტაძემ მთავრობის ადმინისტრაციაში გამართულ ბრიფინგზე განაცხადა.

როგორც მან აღნიშნა, მსგავსი თავდასხმები არაკონსტრუქციული ოპოზიციის ხელწერაა.

„ზოგადად, ასეთი თავდასხმები და შეურაცხყოფები, სამწუხაროდ, არის არაკონსტრუქციული ოპოზიციის ძირითადი ხელწერა. ჩვენ ვერ მოვისმინეთ შინაარსობრივი არგუმენტაცია იმ საკითხებთან დაკავშირებით, თუ რაში არ შეიძლება ადამიანი დაეთანხმო იმ მნიშვნელოვან აქცენტებს, რაც გააკეთა პარტიის თავმჯდომარემ თავის გამოსვლაში. ოპოზიციის მხრიდან ძირითადი ამოცანაა, მოხდეს ბიძინა ივანიშვილის პიროვნული დისკრედიტაცია, საზოგადოების თვალში“, - განაცხადა პრემიერმა.

მან ასევე ქვეყნის წინაშე არსებულ პრობლემებზეც ისაუბრა და აღნიშნა, რომ ჭარბვალიანობა მნიშვნელოვან გამოწვევად რჩება.

„მინდა ყურადღება გავამახვილო იმ ძალიან მნიშვნელოვან პროგრესზე, რომელსაც მიაღწია საქართველომ „ქართული ოცნების“ მმართველ პარტიად ყოფნის პერიოდში. გამოწვევებზე, მე კიდევ ერთხელ მსურს თქვენი ყურადღება გავამახვილო, დიახ ჭარბვალიანობა რჩება მნიშვნელოვან გამოწვევად. იცით, რომ ჩვენ ძალიან აქტიურად ვმუშაობთ ამ მიმართულებით და იცით, რომ პირველი ნაბიჯები გადავდგით, თუმცა ეს არ არის საკმარისი და უახლოეს პერიოდში ჩვენ საზოგადოებას ახალ ინიციატივებს შევთავაზებთ. ამასთან ერთად ჩვენ მნიშვნელოვანი ნაბიჯები დავიწყეთ ეროვნულ ბანკთან ერთად, იმისთვის რომ ფინანსურ სექტორში დამკვიდრდეს პასუხისმგებლიანი დაკრედიტების სისტემა, სამართლიანი წესები, რომელიც საშუალებას მოგვცემს, ჩვენ გამოვრიცხოთ ისეთი ფაქტების მიღება, რომელიც სამწუხაროდ, წარსულში ფიქსირდებოდა“, - აღნიშნა მამუკა ბახტაძემ. 

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს