კოალიციის „ევრო-ატლანტიკური საქართველოსთვის" და „საერთაშორისო გამჭვირვალობა-საქართველოს" წარმომადგენლები კამპანიის „ძალა ევროპაშია" ფარგლებში საზოგადოებისთვის ცნობილ სახეებთან ერთად აჭარის რეგიონს  ესტუმრებიან.  ტურის მიზანია,  მოსახლეობისათვის  მეტი ინფორმაციის მიწოდება ევროკავშირსა და ნატოში ინტეგრაციის დადებით მხარეებსა და ამავე დროს, რუსული პროპაგანდის გავლენებზე. 

ორი დღის განმავლობაში მოსახლეობასთან უშუალო შეხვედრები დაგეგმილია  ქედის, ხელვაჩაურის და ბათუმის მაცხოვრებლებთან. ასევე, შეხვედრა შედგება სტუდენტებთან ბათუმის საჯარო ბიბლიოთეკაში.

ტურის ფარგლებში მოეწყობა ღია დისკუსიები მოსახლეობასთან, სადაც მათ საშუალება ექნებათ კამპანიის მონაწილეებისგან მოისმინონ, თუ რა უპირატესობა აქვს ევროპულ ინტეგრაციას  და გამოხატონ საკუთარი აზრი აღნიშნულ საკითხზე. შეხვედრებზე კამპანიის წარმომადგენლები მოსახლეობასთან დისკუსიას გამართავენ იმის შესახებ, თუ როგორ ვიბრძოლოთ ერთობლივი ძალებით რუსული პროპაგანდის ნარატივის წინააღმდეგ. 

კამპანიის ფარგლებში, მოსახლეობასთან შეხვედრები დაგეგმილია საქართველოს სხვა რეგიონებშიც.

კამპანიის შესახებ
„ძალა ევროპაშია" კამპანიის მიზანია ხელი შეუწყოს საზოგადოების ინფორმირებულობის დონის ამაღლებას ევროპულ და ევრო-ატლანტიკურ გაერთიანებებში ინტეგრაციისა და ქვეყნის განვითარებულ სამყაროსთან დაახლოების დადებითი მხარეების შესახებ და უზრუნველყოს საზოგადოების მეტი ჩართულობა დასავლური ღირებულებების სწორად გააზრებისა და პოპულარიზაციის პროცესში.

რუსული პროპაგანდისტული მანქანის მუშაობის შედეგად გავრცელებულია აზრი იმის შესახებ, რომ ევროპული და ევრო-ატლანტიკური ინტეგრაცია ქვეყნის ეროვნულ ინტერესებსა და ტრადიციების შენარჩუნებას ეწინააღმდეგება. სწორედ ამ არასწორი მითების გასაბათილებლად, ასევე დასავლური ინტეგრაციის პროცესის დადებითი შედეგებისა და სარგებლის საჩვენებლად ხორციელდება კამპანია „ძალა ევროპაშია" "საერთაშორისო გამჭვირვალობა-საქართველოს" და კოალიცია „ევრო-ატლანტიკური საქართველოსთვის" მიერ, რომელშიც გაერთიანებულია სხვადასხვა მიმართულებისა და პროფილის 24 საზოგადოებრივი ორგანიზაცია.

ავტორი: ,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ