2018-07-20 09:35:41, 954 ნახვა
სამართალი
თბილისში, ავტოსაგზაო შემთხვევას დასუფთავების სამსახურის თანამშრომელი ემსხვერპლა
თბილისში, მარშალ გელოვანის გამზირზე მომხდარ ავტოსაგზაო შემთხვევას „თბილსერვისის“ თანამშრომლის სიცოცხლე ემსხვერპლა.
შემთხვევა დღეს დილით მოხდა.
არსებული ინფორმაციით, დასუფთავების სამსახურის ავტომობილს სამარშუტო ტაქსი შეეჯახა.
როგორც თვითმხილველები აცხადებენ, მძღოლს სავარაუდოდ საჭესთან ჩაეძინა, რაც ავტოავარიის მიზეზი გახდა.
შინაგან საქმეთა სამინისტროს ინფორმაციით, მომხდარის შედეგად კიდევ 2 ადამიანი დაშავდა.
გამოძიება სსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
![]()
ავტორი: ,
epn.ge (@expressnews.ge)
