სამედიცინო დაწესებულებებში ბავშვის მიტოვების პრევენციის სამოქმედო ინსტრუქციის გაცნობის მიზნით, საქართველოს ჯანდაცვის სამინისტროს სოციალური დაცვის დეპარტამენტის უფროსმა ნინო ოდიშარიამ და აჭარის ჯანმრთელობისა და სოციალური დაცვის მინისტრის მოვალეობის შემსრულებელმა ზაალ მიქელაძემ სამუშაო შეხვედრა გამართეს რეგიონის სამედიცინო დაწესებულებებში დასაქმებულ პედიატრებთან, ნეონატოლოგებთან და ნევროლოგებთან.

აჭარის ჯანდაცვის სამინისტროს ინფორმაციით, სამედიცინო დაწესებულებებში ბავშვის მიტოვების პრევენციის სამოქმედო ინსტრუქცია დამტკიცებულია საქართველოს შრომის, ჯანმრთელობისა და სოციალური დაცვის მინისტრის ბრძანებით და განკუთვნილია ჯანდაცვის პერსონალისთვის, რომლებიც დასაქმებულნი არიან ადრეული ასაკის ბავშვებთან სამშობიარო სახლებში, ჯანდაცვის პირველად რგოლსა და სტაციონარში - ნეონატოლოგების, პედიატრების, მეან-გინეკოლოგების, ოჯახის ექიმების, მედდებისთვის/ექთნებისთვის.

„ინსტრუქციის თანახმად ადგილობრივი და საერთაშორისო გამოცდილება ცხადყოფს, რომ მშობლების დროული და სწორი ინფორმირება ბავშვის მდგომარეობის შესახებ და მათი მხარდაჭერა მნიშვნელოვნად ამცირებს შეზღუდული შესაძლებლობის მქონე ბავშვის მიტოვების რისკს.

აღნიშნულის გათვალისწინებით, მიზანშეწონილია, რომ ექიმებმა, ბავშვების მშობლებს ინფორმაცია შვილების ჯანმრთელობის მძიმე მდგომარეობის ან/და შეზღუდული შესაძლებლობის შესახებ მიაწოდონ არა როგორც განაჩენი, რამაც შეიძლება განაპირობოს მშობლების მიერ ბავშვზე უარის თქმა, არასწორი და ნაჩქარევი გადაწყვეტილების მიღება, არამედ მისცენ გონივრული და ინფორმირებული გადაწყვეტილების მიღების საშუალება, ასევე, გაუწიონ კონსულტირება არსებულ მომსახურებებთან დაკავშირებით. სამედისინო პერსონალის მიერ ბავშვის ოჯახურ გარემოში აღზრდის დადებით ზეგავლენაზე მშობლის კონსულტირების მიუხედავად, თუ მშობელმა მაინც გადაწყვიტა შვილის მიტოვება ან ბავშვის სხვა პირზე გადაცემა, სასწრაფოდ უნდა ეცნობოს სსიპ - სოციალური მომსახურების სააგენტოს, მის ტერიტორიულ ერთეულებს (ssa.gov.ge) ან საქართველოს შრომის, ჯანმრთელობისა და სოციალური დაცვის სამინისტროს ცხელ ხაზს (1505)“, - აცხადებენ აჭარის ჯანდაცვის სამინისტროში.

აღნიშნულ საკითხთან დაკავშირებით შეხვედრაზე სამედიცინო პერსონალს საინფორმაციო მასალებიც დაურიგდა.

(NS)

ავტორი: ,

სოციალური ქსელები

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ

ისრაელის თავდაცვის მინისტრმა ირანის წინააღმდეგ დამოუკიდებლად ომისთვის მზადყოფნა გამოაცხადა