2018 წლის 16 ივლისს, ფინანსთა მინისტრის რანგში ივანე მაჭავარიანმა პირველი სამუშაო შეხვედრა გამართა.

მან მინისტრის მოადგილეებთან სამინისტროს სისტემის ფუნქციონირების მნიშვნელოვანი პროცესები განიხილა და გაეცნო მიმდინარე რეფორმების დეტალებს. ფინანსთა მინისტრმა ხაზი გაუსვა სამთავრობო პროგრამით განსაზღვრული რეფორმების წარმატებით განხორციელების მნიშვნელობას და ფინანსთა სამინისტროს გამორჩეულ როლს ამ მიმართულებით.

„სამთავრობო პროგრამით განსაზღვრული პოლიტიკის წარმატებით განხორციელებამ, საბოლოო შედეგად უნდა მოგვცეს დაჩქარებული ეკონომიკური ზრდა, აღნიშნული პროგრამის შესრულებასა და დასახული მიზნების მიღწევაში, ფინანსთა სამინისტროს ექნება წამყვანი როლი. მცირე და ეფექტიანი მთავრობა, საჯარო სერვისებში ახალი ტექნოლოგიების დანერგვა, ინკლუზიური ეკონომიკა, სამართლიანი ბიზნეს გარემო და მაკროეკონომიკური სტაბილურობა - ეს ის ძირითადი, მიმართულებებია, სადაც მნიშვნელოვანი და გადამწყვეტია ჩვენი ეფექტიანი მუშაობა. დარწმუნებული ვარ,  რეფორმების დანერგვის პროცესში, ფინანსთა სამინისტროს პროფესიონალთა გუნდი, ღირსეულად გაართმევს თავს ახალ გამოწვევებს," - განაცხადა ფინანსთა მინისტრმა.  

პრემიერ-მინისტრმა, მამუკა ბახტაძემ  ფინანსთა მინისტრად ივანე მაჭავარიანის დანიშვნის ბრძანებას ხელი მიმდინარე წლის 12 ივლისს მოაწერა, საპარლამენტო უმრავლესობამ სამთავრობო პროგრამას და მთავრობის შემადგენლობის ნდობა 14 ივლისს გამოუცხდა.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს