საპარლამენტო უმრავლესობის წევრის ზაქარია ქუცნაშვილის შეფასებით, უკრაინის ხელისუფლების საკადრო პოლიტიკა ნელ–ნელა აგრესიას იწვევს, მათ შორის უკრაინულ საზოგადოებაში.

ამის შესახებ ქუცნაშვილმა გავრცელებულ ინფორმაციასთან დაკავშირებით განაცხადა,  რომლის თანახმადაც ზურაბ ადეიშვილი შესაძლოა, ოდესის მთავარ პროკურორად დაინიშნოს. 

ქუცნაშვილი შიშობს, რომ უკრაინელ ხალხს ქართველები არ შესძულდეთ.

დეპუტატის თქმით, შეუძლებელია, დიდი კულტურისა და ისტორიის მქონე სამშობლოს(უკრაინას)  უცხო ტომელების მმართველობა მოსწონდეს.

„საქმე სწორედ მაგაშია. სამშობლოში ვერ ივარგეს, უკრაინის დედაქალაქში ვერ ივარგეს, ახლა უკრაინის პროვინციაში გადაისროლეს და იქაც ვერ ივარგებენ. მოხვდებიან ალბათ იმ ადგილას, სადაც უნდა მოხვდნენ. უკრაინის ხელისუფლების საკადრო პოლიტიკა ჩვენი საქმე არ არის, თუმცა უკრაინის ხელისუფლების საკადრო პოლიტიკა ნელ–ნელა აგრესიას იწვევს, მათ შორის უკრაინულ საზოგდოებაში, ეს ცალსახაა. მე გული მწყდება სხვა რამეზე, რომ არ მინდა კარგ უკრაინელ ხალხს შეაძულონ ქართველები. ამ შემთვევაში გარწმუნებთ, ყველა ნიშანია იმის, რომ ქართველები იქნებიან  შეძულებულები უკრაინელი ხალხის მიერ, იმიტომ, რომ არც ერთ თავმოყვარე, ამხელა კულტურისა და ისტორიის, ტარას შევჩენკოს სამშობლოს შეუძლებელია, მოსწონდეს  უცხო ტომელების მმართველობა, ხელისუფლებაში უცხო ტომელების ყოფნა. უკრაინა მდიდარია ინტელიგენციით, წესიერი ხალხით, მათ უნდა მიეცეთ გასაქანი და არა ისე, რომ ლეგიონერების მეშვეობით მართონ სახელმწიფო“, – აღნიშნა ქუცნაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივნისში წლიური ინფლაციის დონემ 5.8% შეადგინა - საქტატი

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90