ხორავას ქუჩის საქმეზე შექმნილი დროებითი საგამოძიებო კომისიის წევრის მამუკა მდინარაძის განცხადებით, რეკომენდაციებთან დაკავშირებით კომისიაში აზრთა სხვადასხვაობა არსებობს. 

როგორც მდინარაძემ ჟურნალისტებს განუცხადა, რეკომენდაციების მირება კონსენსუსის გზით უნდა მოხდეს, რათა მათ შესაბამისი ლეგიტიმაცია ჰქონდეთ. 

"როგორც ნახეთ რეკომენდაციების განხილვა გადაიდო ორშაბათისთვის. ამის ერთ-ერთი მთავარი მიზეზი იყო სერიოზული აზრთა სხვადასხვაობა. მათ შორის მთავარი საკითხებია რამდენად შეუძლია რეგლამენტის მიხედვით კომისიას გასცეს რეკომენდაცია არა გამოძიების არამედ სისხლის სამართლებრივი დევნის დაწყების შესახებ. ორშაბათს შესაძლოა ვცადოთ და მივედით საერთო პოზიციამდე. ასეთი გადაწყვეტილება უნდა მიღებულ იქნას კომისიაში კონსენსუსის გზით, ასეთ შემთხვევაში მას ექნება მეტი ლეგიტიმაცია", - განაცხადა მდინარაძემ. 

ის კომისიაში "სამართალდამცველთა რეფორმირების ცენტრის“ ხელმძღვანელის, ზვიად კუპრავას დაგეგმილ გამოკითხვასაც გამოეხმაურა:

"რაც შეეხება ზვიად კუპრავას მოსვლას გამოკითხვაზე, არ ვიცი რამდენად მნიშვნელოვან ინფორმაციას მოგვაწვდის ის. ჩემი აზრით ჯობდა მისი გამოკითხვა მომხდარი მას შემდეგ, რაც კომისია გამოკითხავდა ინციდენტში მონაწილე პირებს და მოწმეებს. თუმცა კომისიის უმრავლესობამ ჩათვალა, რომ კუპრავას გამოკითხვა უნდა მოხდეს ამ ეტაპზე", - აღნიშნა საპარლამენტო უმრავლესობის წევრმა. 

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე