ხორავას ქუჩის საქმეზე შექმნილი პარლამენტის დრობითი საგამოძიებო კომისიის თავმჯდომარის სერგი კაპანაძის ინფორმაციით, 2 ივნისს კომისია "სამართალდამცველთა რეფორმირების ცენტრის“ ხელმძღვანელს, ზვიად კუპრავასა და შინაგან საქმეთა სამინისტროს წარმომადგენლებს გამოკითხავს.

როგორც კაპანაძემ აღნიშნა, გამოკითხვაზე მივლენ შინაგან საქმეთა სამინისტროს ის წარმომადგენლები, რომლებიც ხორავას ქუჩის საქმის გამოძიებაში უშუალოდ მონაწილეობდნენ.

"კომისია ორშაბათს გააგრძელებს ახსნა განმარტებების მოსმენას. ჩვენ მოვუსმენთ ზვიად კუპრავას, რომელიც ზაზა სარალიძესთან ერთად, პარალელურად აწარმოებდა გამოძიებას და ასევე ორშაბათს და სავარაუდოდ სამშაბათსაც გვექნება შეხვედრა შსს-ს წარმომადგენლებთან, რომლებიც უშუალოდ მონაწილეობდნენ გამოძიებაში. რაც შეეხება გაჟღერებულ აზრს, რომ რეკომენდაციები არის თითქოსდა ნაჩქარები, ამ პოზიციას არ ვეთანხმები. რეკომენდაციები უკვე 4-5 დღეა რაც დადებულია, ამიტომ საუბარი იმაზე, რომ ეს ნაჩქარევია, არასწორია. მამაჩნია, რომ რეკომენდაციების განხილვა არის დროული. ჩვენ ეს რეკომენდაციები მოვამზადეთ იმ მასალებიდან გამომდინარე, რომლებსაც 2-3 კვირის განმავლობაში ვსწავლობდით. მნიშვნელოვანია, რომ კომისიამ ასეთი ტიპის რეკომენდაციები გასცეს, რადგან კომისიის მუშაობის პროცესში იკვეთება ახალი გარემოებები და მომავალშიც გაიცემა სხვა რეკომენდაციები. ორშაბათს გავაგრძელებთ ამ საკითხის განხილვას. მანამდე თუ რაიმე აზრთა სხვადასხვა არსებობს კომისიის წევრებს შორის, ეს დრო იქნება გამოყენებული იმისთვის, რომ კომისიამ საბოლოო გადაწყვეტილება მიიღოს", - განაცხადა სერგი კაპანაძემ სხდომის დასრულების შემდეგ.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე