2018-06-02 13:09:44, 785 ნახვა
რეგიონი
ტყიბულში დაღუპული ერთ-ერთი მუშა 25 წლის ახალგაზრდაა
ტყიბულში ქვანახშირის გარე მოპოვების კარიერზე დაღუპული ორი მუშიდან ერთ-ერთი 25 წლის ახალგაზრდაა.
ინფორმაციას პროფკავშირების წარმომადგენელი თამაზ დოლაბერიძე ავრცელებს.
რაც შეეხება მეორე დაღუპულს, დოლაბერიძის თქმით, მისი ვინაობა ჯერჯერობით დაზუსტებული არ არის.
გარდაცვლილები პროზექტურაში გადაასვენეს.
პროფკავშირების პირველადი ინფორმაციით, მუშებს საკმარისი რაოდენობის ჰაერი არ მიეწოდებოდათ, რამაც მათი გარდაცვალება გამოიწვია.
როგორც "ექსპრესნიუსს" შინაგან საქმეთა სამინისტროში განუცხადეს, გამოძიება სსკ-ის 240-ე მუხლის მე-2 ნაწილით მიმდინარეობს (სამთო, სამშენებლო ან სხვა სამუშაოს წარმოებისას უსაფრთხოების წესის დარღვევა, რამაც გამოიწვია ადამიანის სიცოცხლის მოსპობა ან სხვა მძიმე შედეგი).
![]()
ავტორი: ,
epn.ge (@expressnews.ge)
