თბილისის მერი კახა კალაძე დედაქალაქის მთავრობის სხდომაზე მთაწმინდის რაიონში, ყიფიანის ქუჩაზე კლდის ჩამოშლის ფაქტს გამოეხმაურა და შესაბამის სამსახურებს საკითხის უმოკლეს ვადაში მოკვლევა დაავალა. 

„თქვენ იცით, რომ ყიფიანის ქუჩაზე, სადაც სასტუმრო შენდება,  ჩამოიშალა კლდე. მინდა დავავალო ჩემს მოადგილეს, ილია ელოშვილს  და ზედამხედველობის სამსახურს, რომ დღესვე, მთავრობის სხდომის დასრულების შემდეგ დაიბაროთ კომპანია, რომელიც აწარმოებდა სამუშაოებს.  შეისწავლეთ  ყველა დოკუმენტაცია, რომელიც  წარმოდგენილი იყო მერიაში, რა კვლევებს ეფუძნებოდა,  როგორ წარიმართა სამუშაოები და  დღის ბოლომდე გვქონდეს სრული ინფორმაცია ამასთან დაკავშირებით“, - განაცხადა კახა კალაძემ.

შეგახსენებთ, მთაწმინდაზე, ყიფიანის ქუჩაზე, დღეს კლდის ნაწილი ჩამოიშალა.   შემთხვევის შედეგად არავინ დაშავებულა. როგორც ცნობილია, ტერიტორიაზე კომპანია "ჯორჯიან დეველოპმენტ გრუპი" სამშენებლო სამუშაოებს აწარმოებს.

ავტორი: ,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა