2018-05-11 14:13:40, 1335 ნახვა

---

TI - გამოკითხულთა უმრავლესობა მიიჩნევს, რომ მსუბუქი და კლუბური ნარკოტიკების მოხმარებისთვის ადამიანი ციხეში არ უნდა ჩასვან

„საერთაშორისო გამჭვირვალობა – საქართველოს“ კვლევის მიხედვით, მოსახლეობის უმრავლესობა მიიჩნევს,  რომ მსუბუქი და კლუბური ნარკოტიკების პირადი მოხმარებისთვის ადამიანი ციხეში არ უნდა ჩასვან.

კერძოდ, კითხვაზე უნდა მოიხადოს თუ არა სასჯელი ადამიანმა შემდეგი ტიპის ნარკოტიკული საშუალების პირადი მოხმარების გამო, გამოკითხულთა 72%-მა აღნიშნა, რომ არ უნდა მოიხადოს, 25%-ის თქმით, უდნა მოიხადოს.

რაც შეეხება კლუბურ ნარკოტიკს, 56% მიიჩნევს, რომ კლუბური ნარკოტიკების პირადი მოხმარების გამო მოქალაქეებმა სასჯელი არ უნდა მოიხადონ, 36% კი, დასჯის მომხრეა.

53% აცხადებს, რომ ინტრავენური ნარკოტიკების (მორფი, ჰეროინი) პირადი მოხმარების გამო, ადამიანმა ციხის სასჯელი უნდა მოიხადოს, 43% კი, მიიჩნევს, რომ ისინი ციხეში არ უნდა ჩასვან.

კვლევა 2018 წლის 3-28 მარტის პერიოდში ჩატარდა და საქართველოს მასშტაბით 1843 ადამიანი გამოიკითხა. გამოკითხვის საშუალო ცდომილება 2,8 პროცენტს შეადგენს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი