შუახევში აზიურ ფაროსანასთან ბრძოლის პროგრამის ფარგლებში, შუახევისა და ხულოს თვითმმართველობის წარმომადგენლებისთვის საინფორმაციო შეხვედრა გაიმართა.

შეხვედრას აჭარის სოფლის მეურნეობის მინისტრის მოადგილე ჯამბულ ხოზრევანიძე, ფაროსანასთან ბრძოლის საკოორდინაციო შტაბის უფროსი ლაშა შალამბერიძე და აჭარაში ფაროსანასთან ბრძოლის შტაბის ხელმძღვანელი გიორგი მახარაძე, შუახევის მერი ფრიდონ ფუტკარაძე, ხულოს მუნიციპალიტეტის მერის მოადგილე ლაშა ბოლქვაძე, შუახევისა და ხულოს მერის წარმომადგენლები ადმინისტრაციულ ერთეულებში,სატყეო-სააგენტოს წარმომადგენლები და სხვა ხელმძღვანელი პირები ესწრებოდნენ.

დისკუსიის ფორმატში განიხილეს ფაროსანასთან ბრძოლის სახელმწიფოს ხედვა და დაგეგმილი ღონისძიებები. ხაზგასმით აღინიშნა, რომ ინფორმირებულობის გაზრდა და ცნობიერების ამაღლება ერთერთი პრიორიტეტული მიმართულებაა. ამავე დროს უმნიშვნელოვანესია მოსახლეობის ჩართულობა მავნებელთან ბრძოლის პროცესში. პარალელურად სახელმწიფო თავის მხრივ მასშტაბურ ღონისძიებებს განახორციელებს.

ფაროსანასთან ბრძოლის მიზნით, აჭარის რეგიონს, 20 ათასი ლიტრი პრეპარატი და 2 ათასი ფერომონი გადაეცა, ასევე რეგიონში მობილიზებული იქნება სპეციალიზირებული ტექნიკა, შესაწამლი აგრეგატები, რათა მავნებლის საწინააღმდეგო ღონისძიებები დროულად და ეფექტიანად განხორციელდეს.

მნიშვნელოვანია ისიც რომ, შეიქმნა აზიურ ფაროსანასთან ბრძოლის საკოორდინაციო შტაბის ოფიციალური გვერდი https://www.facebook.com/STOPBMSB, სადაც განთავსდება ყველა ინფორმაცია - ტექსტობრივი და ვიზუალური, რომელიც შეეხება საქართველოში ფაროსანას წინააღმდეგ ბრძოლის კამპანიას.

(NS)

ავტორი: ,

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით