ოკუპირებული აფხაზეთი ე.წ. საზღვარზე კარანტინს აწესებს და ქართული მხარის მიერ კონტროლირებადი ტერიტორიიდან მცენარეული პროდუქციის შეტანას კრძალავს, - ამის შესახებ Apsny იუწყება.

მედია საშუალების ინფორმაციით, კარანტინის დაწესების მიზეზად აზიური ფაროსანა სახელდება.

მედიის ცნობით, შესაბამისი გადაწყვეტილება ოკუპირებული რეგიონის დე-ფაქტო სახელმწიფო ინსპექციამ მიიღო, რომელიც კარანტინის საკითხებს კურირებს. აღნიშნული კარანტინი დღეიდან ამოქმედდა.

"ვინაიდან აღნიშნული მწერი სწრაფად ვრცელდება და ითვისებს არეალს, მისი გამრავლების შემთხვევაში აფხაზეთის რესპუბლიკას მილიარდობით რუბლის ზარალი შეიძლება მიადგეს. აღნიშნულის გამო, ფაროსანას შემოსევის პრევენციისთვის 31 მარტიდან საზღვარზე კარანტინი გამოცხადდება და საქართველოს ტერიტორიიდან ნებისმიერი სახის მცენარეული პროდუქციის შეტანა აიკრძალება", - აცხადებენ დე-ფაქტო უწყებაში.

მათი თქმით, საქართველოდან გადასული მოქალაქეების ბარგში აზიური ფაროსანა არაერთხელ აღმოაჩინეს.

ავტორი: ,

სოციალური ქსელები

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება