გენერალ გიორგი კვინიტაძის სახელობის კადეტთა სამხედრო ლიცეუმი საქართველოს მასშტაბით საჯარო სკოლებში საინფორმაციო შეხვედრებს აგრძელებს. სამეგრელოს რეგიონის შემდეგ, ლიცეუმის ხელმძღვანელები და კადეტები იმერეთში, ქალაქ სამტრედიის N 11 სკოლას ესტუმრნენ.

მათ სკოლის მოსწავლეებს ლიცეუმის ისტორიის, ამოცანის, მიღების პირობების, ასევე, სასწავლო პროცესისა და დღის განრიგის შესახებ პრეზენტაცია წარუდგინეს. სასწავლო დარგში ლიცეუმის დირექტორის მოადგილემ, მაია გაბუნიამ მოსწავლეებსა და პედაგოგებს კადეტთა სამხედრო ლიცეუმის სამომავლო გეგმებისა და სიახლეების შესახებაც მიაწოდა ინფორმაცია.

მოგვიანებით შეხვედრა კითხვა-პასუხის რეჟიმში გაგრძელდა. სამტრედიის N 11 სკოლის მოსწავლეები კადეტთა სამხედრო ლიცეუმში არსებული სწავლისა და ცხოვრების პირობებით დაინტერესდნენ და ზოგიერთმა მათგანმა მე-9 კლასის დასრულების შემდეგ, სწავლის ლიცეუმში გაგრძელების სურვილიც გამოთქვა. 
ლიცეუმში მისაღები გამოცდების ზუსტი თარიღი სასწავლო წლის დასრულებისას გახდება ცნობილი.

საინფორმაციო კამპანიის ფარგლებში ლიცეუმის წარმომადგენლები პანკისის ხეობის სოფელ ჯოყოლოსა და ცაგერის რაიონში უკვე იმყოფებოდნენ. იმერეთის შემდეგ საინფორმაციო სახის შეხვედრებს აჭარის, ქართლისა და კახეთის რეგიონების საჯარო სკოლებში გეგმავენ.

(NS)

ავტორი: ,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება