ესპანეთმა კარლეს პუჩდემონის დაკავების საერთაშორისო ორდერი გასცა

2018-03-24 13:11:56, 2344 ნახვა

მსოფლიო

ესპანეთმა ფინეთისგან კატალონიის ყოფილი მეთაურის კარლეს პუჩდემონის ექსტრადირება მოითხოვა, - ამის შესახებ STT იუწყება.

მედია საშუალების ინფორმაციით, ამ ეტაპზე ფინეთის პოლიციასა და ოფიციალურ მადრიდს შორის ინფორმაციის გაცვლა მიმდინარეობს.

"ეროვნული საგამოძიებო ბიურო აცხადებს, რომ ესპანეთი ფინეთისგან თავისი მოქალაქის ექსტრადირებას ითხოვს, რომელიც ამ ეტაპზე ფინეთს სტუმრობს. პოლიციამ აღნიშნული მოთხოვნა პროკურორს გადასცა და ესპანეთის ხელისუფლებასთან ინფორმაციის გაცვლა დაიწყო", - ნათქვამია ფინეთის პოლიციის განცხადებაში.

ფინეთის პოლიციის ინსპექტორის ჰანა კაუტოს განცხადებით, პუჩდემონის დაკავების შემთხვევაში პროკურატურაში საქმის განხილვა დაიწყება.

ცნობისთვის, გუშინ ესპანეთის უზენაესი სასამართლოს მოსამართლემ პაბლო ლიარენამ კარლეს პუჩდემონის და მისი ყოფილი მრჩევლების დაკავების საერთაშორისო ორდერი გასცა. მანამდე გავრცელდა ინფორმაცია, რომ პუჩდემონი ფინეთში 22 მარტს, შვედეთიდან ჩავიდა. ის ქვეყნის დატოვებას დღეს აპირებდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები