„ჩვენ მიერ ჩატარებული 3-დღიანი ინსპექტირებისა და მოკვლევის შედეგად, მივედით დასკვნამდე, რომ „საძელეზე“ მომხდარი შემთხვევა არ უკავშირდება სისტემურ გაუმართაობას და მექანიკურ დეფექტს, ვინაიდან მოწყობილობა სისტემურად  გამართული იყო,“ - ამის შესახებ „ბიურო ვერიტასის“ წარმომადგენელმა უგურკარამანმა 16 მარტს გუდაურში მომხდარ შემთხვევასთან დაკავშირებით გამართულ პრესკონფერენციაზე განაცხადა.

პრესკონფერენციაზე პირველმა ვიცე-პრემიერმა, ეკონომიკისა და მდგრადი განვითარების მინისტრმა გუდაურში მომხდარ შემთხვევასთან დაკავშირებით „ბიურო ვერიტასის“ მიერ მომზადებული დამოუკიდებელი დასკვნა წარადგინა.

უგურკარამანის განცხადებით, ინციდენტი გამოიწვია ოპერატორის შეცდომამ.

„ძაბვის ვარდნის შემდეგ, ოპერატორმა არასწორი ქმედებები და ნაბიჯები განახორციელა, რამაც გამოიწვია სისტემის უკუსვლა და შესაბამისად, მოხდა ინციდენტი. მინდა მწუხარება გამოვხატო გუდაურში მომხდარ ინციდენტთან დაკავშირებით. იმედს გამოვთქვამ, რომ ყველა დაშავებული მალე სრულად გამოჯანმრთელდება“, - განაცხადა უგურკარამანმა.

„ბიურო ვერიტასის“ წარმომადგენელმა მადლობა გადაუხადა საქართველოს მთავრობას მჭიდრო თანამშრომლობისთვის მოკვლევის პროცესში

„მინდა მადლობა გადავუხადო საქართველოს მთავრობას, რომელმაც სრული მხარდაჭერა გამოგვიცხადა მოკვლევის პროცესში. მადლობა მათ გაწეული თანამშრომლობისთვის“, - განაცხადა უგურკარამანმა.

16 მარტს გუდაურში საბაგიროზე მომხდარი  ინციდენტის ტექნიკური ინსპექტირების და მიზეზების დადგენის მიზნით, საერთაშორისო დამოუკიდებელი ექსპერტული კომპანია „ბიურო ვერიტასის“ ექსპერტები  საქართველოში ეკონომიკისა და მდგრადი  განვითარების სამინისტროს მოწვევით იმყოფებოდნენ.

„ბიურო ვერიტასი“ 1828 წელს დაარსებული, მსოფლიოში ლიდერი კომპანიაა ტესტირების, ინსპექტირებისა და სერტიფიცირების მიმართულებით, რომელსაც  საბაგირო ლიფტების შემოწმებისა და ექსპერტიზის სპეციალური ქვედანაყოფი ჰყავს.

ავტორი: ,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება