საქართველოს გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი გერმანიის საერთაშორისო თანამშრომლობის საზოგადოების (GIZ)  წარმომადგენლებს შეხვდა.

სამუშაო შეხვედრაზე სამინისტროსა და GIZ-ის მიერ მომზადებული იმ საპროექტო წინადადების საკითხები განიხილეს, რომელიც კლიმატის მწვანე ფონდს (GCF) უნდა წარედგინოს.

განსახორციელებელი პროექტის კონცეფცია ითვალისწინებს კლიმატური ცვლილებების შერბილებას ტყეების მდგრადი მართვისა და რესურსების ეფექტიანი გამოყენების გზით. 

სოლომონ პავლიაშვილმა ვრცლად ისაუბრა სატყეო სექტორში არსებულ გამოწვევებზე,  ტყის ახალი კოდექსის იმპლემენტაციაზე, რეგიონებში ენერგოუსაფრთხოების უზრუნველყოფაზე,  კლიმატის ცვლილების კონვენციაზე და ყურადღება იმ ვალდებულებებზე გაამახვილა, რომლებიც საქართველომ კლიმატის ცვლილების შესახებ პარიზის შეთანხმების შესასრულებლად უნდა გაატაროს. 

აღინიშნა, რომ პროექტის ფარგლებში, ბუნებრივ ტყეზე ზეწოლის შემცირების მიზნით, იგეგმება ტყის მდგრადი მართვის პრინციპების დანერგვა, ემისიების შემცირება და სოფლად მცხოვრები მოსახლეობისთვის ახალი ენერგოეფექტური ღონისძიებების დანერგვა. მხარეებმა  გეგმის მომზადებასა და სამომავლო თანამშრომლობაზე იმსჯელეს. 

სამუშაო შეხვედრას საქართველოს გარემოს დაცვისა და სოფლის მეურნეობის სამინისტროს, GIZ-ის და  არასამთავრობო ორგანიზაციების წარმომადგენლები ესწრებოდნენ.

(NS)

ავტორი: ,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება