წყლის რესურსების დაცვის საერთაშორისო დღესათან დაკავშირებით, გარემოს დაცვისა და სოფლის მეურნეობის სამინისტროს დაქვემდებარებული ლაბორატორიაში  სკოლის მოსწავლეებისათვის ღია კარის დღე გაიმართა.

სურსათის კვლევის დეპარტამენტში მოსწავლეები წყლის ანალიზის პროცესს გაეცნენ და თავადაც ჩაერთნენ  კვლევის ჩატარებაში. მიკრობიოლოგიისა და ზოგადი ქიმიის ლაბორატორიის სპეციალისტებმა მოსწავლეებს წყლის სისუფთავესა და ხარისხსზე  საინტერესო ცნობები მიაწოდეს. ლაბორატორიის დათვალიერების შემდეგ, მოსწავლეებს სიმბოლური საჩუქრები და მოსწავლეებისათვის განკუთვნილი შემეცნებითი ბროშურები გადაეცათ.

წყლის საერთაშორისო დღე 1993 წელს, გაერთიანებული ერების ორგანიზაციის გენერალურმა ასამბლეამ დააწესა. თარიღი საქართველოში რამდენიმე წელია აქტიურად აღინიშნება. მასში, როგორც სახელმწიფო, ასევე სხვადასხვა კერძო სექტორის წარმომადგენლები არიან ჩართული. გაეროს წყლის ორგანიზაციის ინფორმაციით, 1990-დან წყალზე წვდომა გაუმჯობესდა, თუმცა მსოფლიოს მასშტაბით 2.4 მილიარდ ადამიანს კვლავ აქვს სანიტარული გამოწვევები. 663 მილიონ ადამიანს არ მიეწოდება სუფთა წყალი და მას გაუფილტრავად, მდინარეებიდან ან ჭებიდან იღებენ, რაც, დაავადებების გავრცელების მიზეზი ხდება. მსოფლიოში ბავშვების სიკვდილიანობის გამომწვევი ერთ-ერთი მიზეზი დაბინძურებული წყლით გამოწვეული დაავადებებია. 5-დან 1 ბავშვი სწორედ ამ მიზეზით იღუპება.

გარემოს დაცვისა და სოფლის მეურნეობის სამინისტროს დაქვემდებარებული ლაბორატორია, როგორც საზოგადოებრივ ჯანდაცვის სფეროში მომუშავე სტრუქტურა სხვადასხვა აქტივობებით უერთდება ჯანმრთელობის დაცვის საერთაშორისო ღონისძიებებს.   

(NS)

ავტორი: ,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება