უკრაინის მინისტრთა კაბინეტმა უკრაინასა და რუსეთს შორის 2011-2020 წლების ეკონომიკური თანამშრომლობის პროგრამა შეწყვიტა. 

უკრაინული მედიის ინფორმაციით, ამის შესახებ მთავრობის სხდომაზე უკრაინის პრემიერ-მინისტრმა, ვლადიმერ გროისმანმა განაცხადა.

მისი თქმით, რუსეთი იმ ნაბიჯებს დგამს, რომელიც ეწინააღმდეგება პროგრამაში დეკლარირებულ მიზნებს და უკრაინასთან მიმართებაში სავაჭრო და ტრანზიტულ აგრესიაზეა მიმართული.

მინისტრთა კაბინეტმა დოკუმენტის მოქმედება შეაჩერა და უკრაინის საგარეო უწყებას ამის შესახებ რუსეთის მთავრობის ინფორმირება დაავალა.

როგორც უკრაინის საგარეო საქმეთა მინისტრმა, პავლო კლიმკინმა განაცხადა, კიევმა მოსკოვთან სავაჭრო-ეკონომიკური ურთიერთობები მინიმუმამდე უნდა შეამციროს.

უკრაინასა და რუსეთს შორის 2011-2020 წლებისთვის ეკონომიკური თანამშრომლობის პროგრამა,  ორ ქვეყანას შორის სხვადასხვა სფეროებში თანამშრომლობას ითვალისწინებს.

ავტორი: ,

სოციალური ქსელები

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს

რუტემ სამხედრო შესყიდვებისთვის ნატოს „ერთიანი ფანჯრის“ შექმნის შესახებ განაცხადა

„ბლუმბერგი“: ევროპა არ ელის, რომ ტრამპი რუსეთის წინააღმდეგ ახალ სანქციებს დააწესებს ან უკრაინას დახმარებას გაუწევს