საქართველოს საკონსულო ნიუ-იორკში: გია მაისაშვილის ოჯახის წევრებთან მუდმივ კავშირზე ვართ

2018-02-23 11:39:44, 1815 ნახვა

საზოგადოება

საქართველოს გენერალური საკონსულო ნიუ-იორკში გია მაისაშვილის ოჯახის წევრებთან მუდმივ კავშირზეა. ამის შესახებ საკონსულოს განცხადებაშია ნათქვამი.

საკონსულოს ცნობით, ბოლო კომუნიკაციის დროს, ოჯახის წევრებმა გაუზიარეს კონსულს ინფორმაცია გია მაისაშვილის უკიდურესად მძიმე ჯანმრთელობის მდგომარეობის შესახებ, რომელიც მათ შორის ართულებს ავადმყოფის გადაადგილებას, მით უფრო შორ დისტანციაზე.

„სურვილი ერთია, თუმცა მისი ჯამრთელობის ობიექტური მდგომარეობა მეორე. ოჯახის წევრების განცხადებით, აღნიშნულ თემაზე სოციალურ ქსელში გავრცელებული განცხადებები მათ არ ეკუთვნით. გენერალურმა კონსულმა ბატონი გია მაისაშვილის ოჯახს კიდევ ერთხელ აღუთქვა სახელმწიფოს მხრიდან დახმარება ჩვენი კომპეტენციის ფარგელებში. ოჯახის წევრებმა მადლობა გადაუხადეს გენერალურ კონსულს და აღნიშნეს რომ მუდმივ კავშირზე იქნებიან საკონსულო სამსახურთან“,-აღნიშნულია განცხადებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები