2018 წლის ფეხბურთის მსოფლიო შემპიონატზე დასასწრებად რუსეთში გამგზავრება უვიზოდ იქნება შესაძლებელი, მათ შორის საქართველოს მოქალაქეებისთვისაც, - ამის შესახებ ინფორმაციას, გულშემატკივრებისთვის შექმნილი საიტი welcome2018.com ავრცელებს.

როგორც ვებ-გვერდზე განთავსებულ ინფორმაციაშია აღნიშნული, უვიზოდ შემოსვლის შესახებ გადაწყვეტილება რუსეთის ფედერაციის ხელისუფლებამ მიიღო.

"კანონმდებლობით გათვალისწინებულია, რომ ქვეყანაში სპორტული შეჯიბრების დროს, გულშემატკივრებს აქვთ შესაძლებლობა რუსეთში უვიზოდ - მაყურებლის სტატუსით შემოვიდნენ. მატჩებზე დასასწრებად გულშემატკივარს დასჭირდება მხოლოდ მატჩის ბილეთი და მაყურებლის პერსონიფიცირებული ბარათი - „გულშემატკივრის პასპორტი“ (FAN ID). აღსანიშნავია, რომ FAN ID რუსეთში უვიზოდ ჩასვლის უფლებას იძლება და საკმარისია ყველა მატჩზე დასასწრებად“, - ნათქვამია ინფორმაციაში.

ცნობისთვის, ბარათის აღება შესაძლებელია FIFA-ს ოფიციალურ ვებ-გვერზე და ასევე, რუსეთის სხვადასხვა ქალაქებში სპეციალურად გახსნილ ფილიალებში. სტადიონზე დაცვა შეამოწმებს როგორც ბილეთებს, ასევე "გულშემატკივრის პასპორტის" არსებობას.

შეგახსენებთ, რომ ფეხბურთის მსოფლიო ჩემპიონატი რუსეთში 14 ივნისიდან 15 ივლისის ჩათვლით გაიმართება.

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს